Batumelebi | ჯანმოს გენერალური დირექტორი თვითიზოლაციაშია ჯანმოს გენერალური დირექტორი თვითიზოლაციაშია – Batumelebi
RU | GE  

ჯანმოს გენერალური დირექტორი თვითიზოლაციაშია

ჯანდაცვის მსოფლიო ორგანიზაციის ხელმძღვანელი ტედროს გებრეისუსი თვითიზოლაციაშია. პირს, ვისთანაც მას კონტაქტი ჰქონდა, Covid19 დაუდასტურდა. ამის შესახებ ტედროს გებრეისუსმა წუხელ ტვიტერის საკუთარ გვერდზე ჟენევიდან დაწერა.

„მე გავხდი კონტაქტი ადამიანისა, რომელსაც Covid19 დაუდასტურდა. თავს კარგად ვგრძნობ და სიმპტომები არ მაქვს, მაგრამ ჯანმოს პროტოკოლის მიხედვით, უახლოეს დღეებში თვითიზოლაციაში ვიქნები და სახლიდან ვიმუშავებ,” – წერს ის.

„კრიტიკულად მნიშვნელოვანია, ყველანი ვიცავდეთ სამედიცინო მითითებებს. ასე გავწყვეტთ COVID19-ის გადაცემის ჯაჭვს, დავთრგუნავთ ვირუსს და დავიცავთ ჯანდაცვის სისტემას” – წერს ღებრეისუსი ტვიტერზე.

დღევანდელი მონაცემებით მსოფლიოს მასშტაბით კორონავირუსის 46 მილიონზე მეტი დადასტურებული შემთხვევაა, გარდაცვლილია 1 205 809 ადამიანი.

_____________________________

ფოტო: DW

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან