მთავარი,სიახლეები

კორონავირუსით გარდაიცვალა 7 ადამიანი, მათგან 6 ბათუმში

02.11.2020 • 1441
კორონავირუსით გარდაიცვალა 7 ადამიანი, მათგან 6 ბათუმში

ბოლო 24 საათის განმავლობაში კორონავიურუსის 1852 ახალი შემთხვევა დაფიქსირდა, მათ შორის, 389 აჭარაში. დაინფიცირებულთა საერთო რაოდენობა 42 579-მდე გაიზარდა.

საქართველოს მთავრობის საკოორდინაციო საბჭოს მონაცემებით,  გასული 24 საათის განმავლობაში გამოჯანმრთელდა 1696 ადამიანი, სულ გამოჯანმრთელებულია – 26 800. გასული 24 საათის განმავლობაში კორონავირუსით სულ 7 ადამიანი გარდაიცვალა, მათ შორის, 6 აჭარაში.

კორონავირუსით თებერვლიდან ამ დრომდე გარდაიცვალა 342 ინფიცირებული.

ბათუმის რესპუბლიკურში გარდაიცვალა 75 წლის კაცი, მას ჰქონდა პნევმონია, სუნთქვის მწვავე უკმარისობა, ფილტვის არტერიის თრომბოემბოლია, გულის ქრონიკული უკმარისობა, არტერიული ჰიპერტენზია. ამავე კლინიკაში გარდაიცვალა 87 წლის ქალი, მისი დიაგნოზი იყო პნევმონია, სუნთქვის მწვავე უკმარისობა, მწვავე რესპირაციული დისტრეს სინდრომი, გულის ათეროსკლეროზული დაავადება, გულის ქრ. უკმარისობა, მიოკარდიუმის ინფარქტი.

რესპუბლიკური საავადმყოფოში ასევე გარდაიცვალა 91 წლის ქალი, მას ჰქონდა სუნთქვის მწვავე უკმარისობა, ჭარბი წონა, არტერიული ჰიპერტენზია,

მედცენტრში გარდაიცვალა 54 წლის კაცი, მისი დიაგნოზი იყო: მწვავე პნევმონია, სუნთქვის მწვავე უკმარისობა, რესპირაციული დისტრეს სინდრომი,ღვიძლის მწვავე უკმარისობა, თირკმლის მწვავე უკმარისობა.

ბათუმის საერთაშორისო ჰოსპიტალში გარდაიცვალა 70 წლის ქალი, რომელსაც ჰქონდა სუნთქვის მწვავე უკმარისობა, რესპირაციული დისტრეს სინდრომი, შაქრიანი დიაბეტი, ინსულინდამოკიდებული, ჭარბი წონა.

ბათუმის სამედიცინო ცენტრში 69 წლის კაცი გარდაიცვალა, მას ჰქონდა მწვავე პნევმონია, სუნთქვის მწვავე უკმარისობა, თირკმლის უკმარისობა ინსულტი, ინფარქტი, ესენციური ჰიპერტენცია.

 

გადაბეჭდვის წესი


ასევე: