Batumelebi | მხოლოდ კომისიის წევრების 8 ხმა – პროტესტი წაბლანასა და წაბლიანში მხოლოდ კომისიის წევრების 8 ხმა – პროტესტი წაბლანასა და წაბლიანში – Batumelebi
RU | GE  

მხოლოდ კომისიის წევრების 8 ხმა – პროტესტი წაბლანასა და წაბლიანში

“ეზოში არიან შეკრებილი, იქნებ შემოვიდნენ, რა ვიცი… ჯერჯერობით მარტო კომისიის წევრებმა მივეცით ხმა. 8 კონვერტია ჩაგდებული ყუთში,”- ამბობს “ბათუმელებთან” ბიჭიკო შანთაძე. ის ხულოში, სოფელ წაბლანას საარჩევნო უბნის კომისიის თავმჯდომარეა. ამ სოფელში დღეს არჩევნებზე არავინ მიდის.

არჩევნებს ბოიკოტს უცხადებენ სხალთის თემის სოფელ წაბლიანშიც. დღეს არც აქ მოსილა ამომრჩეველი უბანზე.

წაბლანელები რომ არჩევნებზე არ მიდიოდნენ, ამის შესახებ მათ ჯერ კიდევ 5 სექტემბერს თქვეს, როცა ბათუმში საპროტესტო აქცია მოაწყვეს. წაბლანელები ეკომიგრანტები არიან. ისინი აპროტესტებენ, რომ მთავრობა მათ საკუთრებაში გადაცემულ საცხოვრებელ ბინებს არ არემონტებს. წაბლანელები აცხადებენ, რომ მათ მისცეს შავი კარკასი, რომლის გარემონტების საშუალება მათ არ აქვთ.

“რატომაა შერჩევითი მიდგომა, დევნილებს თუ გაურემონტეს ბინები, ჩვენ რა დავაშავეთ?”- კითხულობენ წაბლანელები.

“გადასატან ყუთზე საერთოდ არ შემოსულა მოთხოვნა… სამი დამკვირვებელი გვყავს უბანზე, მეტი არავინ,”- გვითხრა წაბლიანის საუბნო კომისიის თავმჯდომარემ, შალვა თავართქილაძემ.

წაბლიანში 301 ამომრჩეველია, წაბლანაში – 658.

ამავე თემაზე: 

სოფელი ხულოში, სადაც არჩევნებზე არავინ მიდის

 

 

ნეტგაზეთის მასალების სხვა გამოცემებში გადაბეჭდვის წესი
ავტორი