მთავარი,სიახლეები,ჯანმრთელობა

„გამოიყენეთ დრო გონივრულად, მოემზადეთ მეტისთვის“ – ჯანმოს მიმართვა მთავრობებს

20.10.2020 • 1446
„გამოიყენეთ დრო გონივრულად, მოემზადეთ მეტისთვის“ – ჯანმოს მიმართვა მთავრობებს

„გარდაუვალი მეორე ტალღა ან შემდეგი პიკი არ არსებობს, ის კონტროლს ექვემდებარება, ის ჩვენს ხელშია, როგორც ინდივიდუალური პირების, ისე მთავრობის ხელმძღვანელობის; მკაფიო ეროვნული გეგმის საშუალებით, რომელიც გულისხმობს ადგილობრივ დონეზე მიზნობრივი კონტროლის ზომებს, ჩვენ შეგვიძლია თავიდან ავირიდოთ პანდემიის მომდევნო ტალღები,“ – განაცხადა ჯანმოს ჯანმრთელობის გადაუდებელი დახმარების პროგრამების ხელმძღვანელმა მარია ვან კერჰოვმა ჯანდაცვის მსოფლიო ორგანიზაციის მორიგი ბრიფინგის დროს.

ჯანმოს წარმომადგენლებმა კიდევ ერთხელ განმარტეს, რა იგულისხმება იზოლაციასა და კარანტინში და ხაზი გაუსვეს, რომ ასეთ დროს აუცილებელია შინ თუ სხვა ადგილას განთავსებული ადამიანებისთვის შესაბამისი ყურადღების დათმობა, მხარდაჭერა სახელმწიფოს მხრიდან.

მარია ვან კერჰოვმა მთავრობებს მიმართა:

„გამოიყენეთ დრო გონივრულად. როცა „აფეთქებებს“ კონტროლს ქვეშ მოაქცევთ, დარჩით მზადყოფნაში, მოემზადეთ მეტისთვის, რადგან შესაძლოა იყოს მეორე ტალღა და ამ გლობალურად ურთიერთდაკავშირებულ მსოფლიოში, რომელშიც ჩვენ ვაგრძელებთ ცხოვრებას, ვირუსს სჭირდება ადამიანები, კლასტერები, რომ გავრცელდეს და სწორედ ამისთვის უნდა იყოთ მზად.

ვფიქრობ, ხაზი უნდა გავუსვათ იმას თუ, რამდენად მნიშვნელოვანია კონტაქტების იზოლაცია და კარანტინი. ჩვენ ამას ვიმეორებთ გამუდმებით, მაგრამ ალბათ ღირს, რომ კვლავ ვთქვათ, კონტაქტების კარანტინში განთავსება იდეალურ შემთხვევაში, გულისხმობს კარანტინს სახლების გარეთ, მაგრამ ჩვენ ვიცით, რომ ეს არ არის მსოფლიოს ყველა კუთხეში შესაძლებელი, ამიტომ განვმარტოთ, კარანტინში განთავსება სახლში 14 დღის განმავლობაში ნიშნავს სამსახურში არ წასვლას, არც სურსათისთვის მაღაზიაში გასვლას, ნიშნავს, რომ ადამიანს არ ჰქონდეს პირდაპირი ურთიერთობა მეგობრებთან, ნიშნავს, არ მიიღოს სტუმრები სახლში.

იმ ადამიანებს, ვინც კარანტინში არიან, აუცილებლად უნდა ჰქონდეთ მხარდაჭერა, რადგან მათ, რა თქმა უნდა, კვლავ სჭირდებათ შემოსავალი, სჭირდებათ ოჯახების რჩენა. ამიტომ ძალიან მნიშვნელოვანია მათ ჰქონდეთ მხარდაჭერა ამ პერიოდის განმავლობაში, ეს გაწყვეტს გადადების ჯაჭვს. იზოლაციისა და ახალი შემთხვევების კონტაქტების შეზღუდვის გარეშე შეუძლებელია ეს გამოვიდეს“.

გადაბეჭდვის წესი


ასევე: