იმის გათვალისწინებით, რომ ვაქცინები ჯერ არ არის ხელმისაწვდომი და მოსახლეობის დიდი ნაწილი ახლაც სკეპტიკურად უყურებს ვაქცინის მიღებას, ოსტერჰოლმი მნიშვნელოვნად მიიჩნევს მოსახლეობის სწორ ინფორმირებას საფრთხეების შესახებ – „ხალხმა არ იცის რა უნდა დაიჯეროს და ჩვენი უზარმაზარი გამოწვევაა, მივაწოდოთ ხალხს მესიჯი, რომელიც ასახავს მეცნიერებას და ასახავს რეალობას.“
ოსტერჰოლმმა ხაზი გაუსვა აშშ-ში პარასკევს დაფიქსირებულ Covid19-ის 70 000 ახალ შემთხვევას, რაც პანდემიის პიკის დროს დაფიქსირებული ყველაზე მაღალი მაჩვენებელია და თქვა, რომ არდადეგებამდე პერიოდში აშშ-ში დაფიქსირდება გაცილებით უფრო მაღალი რიცხვები, რომლებიც „ბევრად, ბევრად აღემატება თუნდაც 67 ან 75 000 შემთხვევას დღეში“. ჯონ ჰოპკინსის უნივერსიტეტის სტატისტიკური მონაცემებით, კორონავირუსული ინფექციით მსოფლიოში 1.11 მილიონი ადამიანი გარდაიცვალა, გამოჯანმრთელდა 27.5 მილიონი ადამიანი.
