Batumelebi | როგორ მოვიქცეთ, თუ კონტაქტი გვქონდა კოვიდით ინფიცირებულთან – რეკომენდაცია როგორ მოვიქცეთ, თუ კონტაქტი გვქონდა კოვიდით ინფიცირებულთან – რეკომენდაცია – Batumelebi
RU | GE  

როგორ მოვიქცეთ, თუ კონტაქტი გვქონდა კოვიდით ინფიცირებულთან – რეკომენდაცია

დაავადებათა კონტროლისა და საზოგადოებრივი ჯანმრთელობის ეროვნული ცენტრი რეკომენდაციებს გასცემს მათთვის, ვისაც კონტაქტი ჰქონდა კოვიდ 19-ის მქონე პირებთან. თვითიზოლაცია ინფიცირებულთან კონტაქტში მყოფი პირებისთვის სავალდებულოა.

  • დარჩით თვითიზოლაციაში ბოლო კონტაქტიდან 12 დღის განმავლობაში
  • ამ პერიოდში არ წახვიდეთ სკოლაში, სამსახურში, საყიდლებზე. არ იმგზავროთ საზოგადოებრივი ტრანსპორტით, არ მიიღოთ სტუმრები
  • თუ ოჯახის წევრებთან ერთად ცხოვრობთ, მინიმუმამდე დაიყვანეთ საერთო სივრცეში მათთან შეხვედრის ალბათობა
  • თუ ოჯახის წევრებთან შეხვედრა გარდაუვალია, გამოიყენეთ პირბადე და დაიცავით უსაფრთხო დისტანცია – სულ მცირე 1 მეტრი
  • აწარმოეთ თვითმონიტორინგი, გაიზომეთ სიცხე დღეში 2-ჯერ
  • Covid 19-ისთვის დამახასიათებელი ნებისმიერი სიმპტომის შემთხვევაში (ცხელება, ხველა, სუნთქვის გაძნელება), დაუყოვნებლივ დაუკავშირდით 112-ს ან ოჯახის ექიმს
  • დაიცავით ხელების ჰიგიენა, ხშირად დაიბანეთ ხელები საპნითა და წყლით მინიმუმ 20 წამის განმავლობაში ან დაიმუშავეთ სპირტის შემცველი ხსნარით
  • დაიცავით რესპირაციული ეტიკეტი: ხველისა და ცემინებისას აიფარეთ ცხვირსა და პირზე ერთჯერადი ცხვირსახოცი ან მოხრილი იდაყვი. ცხვირსახოცი დაუყოვნებლივ გადააგდეთ
  • საგულდაგულოდ გაწმინდეთ ხშირად შეხებადი ზედაპირები
  • თვითიზოლაციაში ყოფნის პერიოდში, დაავადების ნებისმიერი სიმპტომის გამოვლენის შემთხვევაში, ექიმი ან ეპიდემიოლოგი გადაწყვეტს, ექვემდებარებით თუ არა ტესტირებას
  • არ დაარღვიოთ თვითიზოლაციის წესები, ამით თქვენ დაიცავთ საკუთარ და გარშემომყოფთა ჯანმრთელობას.

______________

ფოტო: pexels

ნეტგაზეთის მასალების სხვა გამოცემებში გადაბეჭდვის წესი
ავტორი
თამარ ნერგაძე არის "ბათუმელების" რეპორტიორი 2017 წლის ოქტომბრიდან. ტელ.: 568 81 41 75 / E-mail.: tamarnergadze123@gmail.com