მთავარი,სიახლეები

მარიამ ჯაში: „ოცნება“ დავით გარეჯის საქმეს პოლიტიკური მიზნებისთვის იყენებს

13.10.2020 • 959
მარიამ ჯაში: „ოცნება“ დავით გარეჯის საქმეს პოლიტიკური მიზნებისთვის იყენებს

„ქართული ოცნება“ დავით გარეჯის საკითხს იყენებს ვიწრო პოლიტიკური მიზნებისთვის, წინასაარჩევნოდ“ – მიიჩნევს მარიამ ჯაში, საპარლამენტო უმრავლესობის ყოფილი წევრი და „ჩვენი საქართველო – სოლიდარობის ალიანსის“ ბათუმის მაჟორიტარი დეპუტატობის კანდიდატი პარლამენტში. მარიამ ჯაშმა ბრიფინგი დავით გარეჯის თემაზე დღეს, 13 ოქტომბერს, ბათუმში გამართა.

მარიამ ჯაშის თქმით, ბოლო 7 თვის განმავლობაში ფრაქციამ „დამოუკიდებელი დეპუტატები“, რომლის ხელმძღვანელიც თვითონაა, დავით გარეჯის საკითხზე ორჯერ მიმართა საგარეო საქმეთა სამინისტროს – 17 მარტს და 19 ივნისს.

„ჩვენ ვითხოვდით საქართველო-აზერბაიჯანის საზღვრის დელიმიტაციისა და დემარკაციის საკითხებზე ინფორმაციის მოწოდებას, თუმცა არც წერილობითი პასუხი მიგვიღია დღემდე და არც მინისტრი მოსულა საკომიტეტო მოსმენაზე. რეაგირების გარეშე დატოვა ჩვენი 27 მაისის მიმართვაც პარლამენტში პრემიერ-მინისტრმა. სამწუხაროდ, მხოლოდ არჩევნებამდე 1 თვით ადრე ინტერესდება მთავრობა დავით გარეჯის სამონასტრო კომპლექსის ბედით,“ – აღნიშნა მარიამ ჯაშმა.

მარიამ ჯარი მიიჩნევს, რომ დავით გარეჯის საქმის გააქტიურებამ დაძაბა საქართველოს პოლტიკური გარემო და ამან შესაძლოა დააზიანოს საქართველო-აზერბაიჯანის ურთიერთობები.

„ვფიქრობთ, რომ 2020 წლის საპარლამენტო არჩევნების დასრულებამდე უნდა შეჩერდეს საგამოძიებო მოქმედებები და მოიძებნოს სამართლებრივი ფორმა, რომ წინასწარ პატიმრობაში მყოფი ექსპერტები პროცესის დასრულებამდე დაუბრუნდნენ საკუთარ ოჯახებს. არჩევნების შემდეგ კი, გამოძიება რომ არ დარჩეს საარჩევნო პოპულისტურ ნაბიჯად, აუცილებლად უნდა იქნას მიყვანილი ბოლომდე,“ – მიიჩნევს მარიამ ჯაში.

გადაბეჭდვის წესი


ასევე: