საგანგებო სიტუაციების მართვის სამსახურის განცხადებით, 5-დღიანი საძიებო სამუშაოების შედეგად, სამეგრელოში დაკარგული მამაკაცის ცხედარი წალენჯიხის მუნიციპალიტეტის სოფელ სქურის მიმდებარე ტერიტორიაზე იპოვეს.
112-ში შეტყობინება 61 წლის კაცის დაკარგვის შესახებ 6 ოქტომბერს შევიდა. კაცი წალენჯიხის მუნიციპალიტეტის სოფელი ჯგალიდან სქურის მიმართულებით გავიდა და სახლში არ დაბრუნებულა.
სამაშველო-საძიებო სამუშაოებში ჩაერთო მეხანძრე-მაშველთა ჯგუფი. მათ დაკარგული მამაკაცის პირადი ნივთები სქურის მთაში, მიტოვებულ ქოხში იპოვეს. საძიებო სამუშაოებში ასევე ჩართული იყო ექსპერტ-კრიმინალისტების კინოლოგიური სამსახური.
__________
ფოტო: საგანგებო სიტუაციების მართვის სამსახური