აჭარის საავტომობილო გზების დეპარტამენტი ინტენსიურად აგრძელებს ხუთივე მუნიციპალიტეტში ადგილობრივი მნიშვნელობის საავტომობილო გზების რეაბილიტაციას, ხიდებისა და ხელოვნური ნაგებობების მშენებლობას.
ამ ეტაპზე დასრულდა ქობულეთის მუნიციპალიტეტში მორიგი ინფრასტრუქტურული პროექტები:
[checklist]
- კვირიკე-კვირიკეს მეურნეობის საავტომობილო გზაზე ასფალტობეტონის საფარის მოწყობის სამუშაოები.
[/checklist]
პროექტის ფარგლებში ორკილომეტრიან მონაკვეთზე ორფენიანი ასფალტობეტონის საფარი მოეწყო. დასრულებულია ერთი ახალი ხიდის მშენებლობა, მოეწყო შესაბამისი ხელოვნური და დამცავი ნაგებობები.
რეაბილიტირებული გზით 150 ოჯახი ისარგებლებს.
[checklist]
- ბობოყვათი-კვირიკაული-კონცელიძეების მიმართულებით 1800 მეტრ მონაკვეთზე ასფალტო-ბეტონის საფარის მოწყობის სამუშაოები.
[/checklist]
პროექტის ფარგლებში მოეწყო სხვადასხვა ტიპის ხელოვნური და დამცავი ნაგებობა, დამონტაჟდა წყალგამტარი ლითონის მილები და აშენდა ახალი ხიდი.
რეაბილიტირებული გზა ბობოყვათს, დაგვისა და კვირიკეს ადმინისტრაციულ ერთეულებს ერთმანეთთან აკავშირებს და 180-ზე მეტი ოჯახი ისარგებლებს.
[checklist]
- ასევე დასრულდა აჭყვისთავი-ზოიძეების მიმართულებით ასფალტობეტონის საფარის მოწყობა.
[/checklist]
რეაბილიტირებული გზით 100 ოჯახი შეძლებს კომფორტულად გადაადგილებას.
[checklist]
- ხელვაჩაურის მუნიციპალიტეტის სხვადასხვა სოფელში საავტომობილო გზაზე ბეტონის საფარის მოწყობა ეტაპობრივად მიმდინარეობს, რისთვისაც მიმდინარე წელს გამოყოფილია 9000 კუბ.მ. ბეტონი.
[/checklist]
ამ დროისთვის ოცდაოთხ კილომეტრ ადგილობრივი მნიშვნელობის საავტომობილო გზაზე მოწყობილია 8044 კუბური მეტრი ცემენტობეტონი.
[checklist]
- ქედის მუნიციპალიტეტში, ოქტომბერი-კუჭულა-ინაშარიძეების საავტომობილო გზაზე 2350 მეტრ მონაკვეთზე ორფენიანი ასფალტობეტონის საფარის მოწყობის სამუშაოები დასრულდა.
[/checklist]
პროექტის ფარგლებში, გზასთან ერთად მოეწყო შესაბამისი ხელოვნური და დამცავი ნაგებობები.
რეაბილიტირებული გზით სოფელში მცხოვრები ორმოცი ოჯახი ისარგებლებს.
[checklist]
- ცხმორისი-ზედა ცხმორისის მიმართულებით საავტომობილო გზის მოწყობის სამუშაოები ინტენსიურად მიმდინარეობს.
[/checklist]
პროექტის ფარგლებში 2745 მეტრ მონაკვეთზე მოეწყობა ორფენიანი ასფალტობეტონის საფარი შესაბამისი ხელოვნური და დამცავი ნაგებობებით. გზასთან ერთად ერთ ხიდს ჩაუტარდება რეაბილიტაცია.
ამ ეტაპზე მიმდინარეობს ხელოვნური ნაგებობების მოწყობის სამუშაოები.
აღნიშნული გზით სოფელში მცხოვრები ორასი ოჯახი შეძლებს კომფორტულად გადაადგილებას.
პროექტის დასრულება მიმდინარე წლის ნოემბერში იგეგმება.
[checklist]
- შუახევის მუნიციპალიტეტში, ზამლეთი-ხიხაძირის საავტომობილო გზის 3200 მეტრ მონაკვეთზე დასრულდა ასფალტობეტონის საფარის მოწყობის სამუშაოები.
[/checklist]
აღნიშნული გზით შუახევის სოფლების – ფურტიოსა და ბუთურაულის გარდა გადაადგილდებიან სხალთისა და ხიხაძირის ხეობაში, რაც ტურისტული თვალსაზრისით მნიშვნელოვანი მიმართულებაა.
[checklist]
- ხულოს მუნიციპალიტეტში სრულდება კიდევ ერთი მნიშვნელოვანი საგზაო ინფრასტრუქტურული პროექტი.
[/checklist]
ყინჩაური-ძმაგულის საავტომობილო გზის 2055 გრძ. მეტრზე დასრულდა ხელოვნური ნაგებობებისა და ასფალტობეტონის საფარის მოწყობა.
ამ ეტაპზე 1724 გრძ. მეტრზე მიმდინარეობს დამცავი ზღუდარების მოწყობა, რის შემდეგაც დაიწყება გზის საფარის ჰორიზონტალური მონიშვნა.
[checklist]
- ასევე ხულოს მუნიციპალიტეტში, ვაშლოვანის ადმინისტრაციულ ერთეულში დასრულდა ვაშლოვანი-შურმულის საავტომობილო გზაზე ხიდის რეაბილიტაცია.
[/checklist]
პროექტის ფარგლებში შეიცვალა ხიდის სავალი ნაწილი, დამცავი ზღუდარები, შუქამრიდები და ორივე მხარეს მოეწყო ბეტონის საფარი.
რეაბილიტირებული ხიდით სოფელ ვაშლოვანში მცხოვრები 450 ოჯახი ისარგებლებს.
