მედუზების სეზონი ბათუმში [წყალქვეშა ფოტოები]

მართალია ზაფხული მიილია, მაგრამ ზღვის სეზონი ბევრისთვის ისევ გრძელდება. სექტემბრის თვეში, ნაპირთან მისულიც კი შეამჩნევდით რომ ზღაში უამრავი მედუზაა – ეს შავი ზღვის უდიდესი მედუზა – Rhizostoma pulmo-ა, იგივე კორნეროტი.

Rhizostoma pulmo-ს დიამეტრი 40 სანტიმეტრს აღწევს.  იგი აგრესიული არ არის, მაგრამ ცოტათი შხამიანია და მასთან შეხებამ კანის უმნიშვნელო გაღიზიანება შეიძლება გამოიწვიოს. ალბათ სწორედ ამის გამოა, რომ ადამიანები წყალში მედუზის გამოჩენისთანავე შორდებიან იმ ადგილს.

მედუზის იმ სახეობას, რომელიც ბათუმის სანაპირო წყლებში გვხვდება, “ქოლგის” გარე კიდეზე მუქი ლურჯი ან იასამნისფერი ფერის პატარა მომრგვალებული დაბოლოებები აქვს.