მთავარი,სიახლეები

ენმ-ის მაჟორიტარობის კანდიდატების საარჩევნო ბანერები ჩამოხიეს

27.09.2020 • 1811
ენმ-ის მაჟორიტარობის კანდიდატების საარჩევნო ბანერები ჩამოხიეს

„ერთიანი ნაციონალური მოძრაობის“ აჭარის ორგანიზაციაში აცხადებენ, რომ მათი საარჩევნო ბანერები უცნობმა პირებმა დააზიანეს. ბანერები სამ სოფელში – ჭარნალში, დოლოგანსა და ახალსოფელში ჩამოხიეს.

აჭარის უმაღლესი საბჭოს დეპუტატი ერთიანი ნაციონალური მოძრაობიდან, გია აბულაძე პლაკატების ჩამოხევას “ქართულ ოცნებას” უკავშირებს და ამბობს, რომ ამ გზით ცდილობს მმართველი პარტია ოპონენტებს გაუსწორდეს. გია აბულაძე ამჯერადაც მაჟორიტარობის კანდიდატია.

„დღეს დილით არის სავარაუდოდ დაზიანებული, რადგან გუშინ საღამოს მთელი იყო. როგორც ჩანს, იმის ნაცვლად, რომ ხელისუფლებამ ნორმალური საარჩევნო პროგრამა გააკეთოს, იმუშაოს სიღარიბის დაძლევაზე, ლარის გამყარებაზე, გადაწყვიტეს, რომ ძალადობრივად ჩაატარონ ეს არჩევნები. გამოსავალს ხედავენ, რომ დააზიანონ ბილბორდები და პლაკატები. ჰგონიათ, რომ ამით გაიმარჯვებენ. მე მათ მინდა ვუთხრა, ისინი დამარცხებული არიან, შეეგუონ ამას და ბილბორდების ჩამოხევა და დაზიანება ვერ გადაარჩენს მათ,” – ამბობს გია აბულაძე.

ჩამოხეული ბანერები სოფელ ჭარნალსა და ახალსოფელში

ჩამოხეული საარჩევნო ბანერი მაჟორიტარობის კანდიდატებმა საკუთარი ძალებით აღადგინეს

გადაბეჭდვის წესი


ასევე: