Batumelebi | ქართველი არტისტების გამოფენა ესპანეთში ქართველი არტისტების გამოფენა ესპანეთში – Batumelebi
RU | GE  

ქართველი არტისტების გამოფენა ესპანეთში

ესპანეთში, ქალაქ ბურგოსში, Espacio Tangente-ს საგამოფენო სივრცეში, ქართველი არტისტების გამოფენა მიმდინარეობს. Art | Up – Street Gallery-ის და F-Orma Network-ის მოძრაობის ფარგლებში, საგამოფენო სივრცეში 7 ქართველი არტისტი გამოიფინა – ნინო ბოსიკაშვილი, ნათელა გრიგალაშვილი, ეთო გზირიშვილი, ნინო ესაიაშვილი, მარიამ კაჭარავა, Masholand და  Da Miane.

გამოფენა 25 სექტემბერს გაიხსნა და 16 ოქტომბრამდე გასტანს.

ეს არის რიგით მესამე გამოფენა F-Orma Network-ის ფარგლებში, რომელსაც ესპანეთი მასპინძლობს. საქართველოში კი, ესპანელი არტისტის G.G.A.-ს გამოფენა მოეწყობა.

Art | Up – Street Gallery არის მოძრაობა, რომელიც ქმნის ალტერნატიულ, არატრადიციულ საგამოფენო სივრცეებს სხვადასხვა ქალაქებსა და ქვეყნებში. კონცეფცია გულისხმობს ციფრული ხელოვნების ნამუშევრების წარმოდგენას ყველასათვის ხელმისაწვდომ ღია სივრცეებში და ქუჩებში, სრულიად უფასოდ.

ART | UP – Street Gallery-ის მხარდამჭერია თბილისის მერია.

ნეტგაზეთის მასალების სხვა გამოცემებში გადაბეჭდვის წესი
ავტორი