ხვალიდან, 25 სექტემბრიდან, აჭარაში რესტორნები საღამოს 22 საათზე დაიკეტება – ამის შესახებ დღეს, 24 სექტემბერს, განაცხადეს საქართველოს მთავრობის ადმინისტრაციაში გამართულ ბრიფინგზე.
მთავრობაში განმარტეს, რომ რესტორნები აჭარაში იმუშავებენ დღის განმავლობაში, თუმცა დაიკეტებიან საღამოს 22 საათიდან დილამდე.
მთავრობას ჯერ არ დაუსახელებია შეზღუდვების ვადა. მთავრობის ადმინისტრაციის უფროსის განცხადებით, ვადა დაკონკრეტდება შექმნილი მდგომარეობიდან, ეპიდსიტუაციიდან გამომდინარე.
სექტემბრის დასაწყისიდან დღემდე აჭარაში იზრდება კორონავირუსით ინფიცირებულ პირთა რაოდენობა. ბოლო დღეებში აჭარაში შეინიშნება ახალი შემთხვევების მატება. დღეს აჭარაში 164 ახალი შემთხვევა დადასტურდა.