Batumelebi | აჭარაში სასწავლო პროცესი დისტანციურად გაგრძელდება – მთავრობა აჭარაში სასწავლო პროცესი დისტანციურად გაგრძელდება – მთავრობა – Batumelebi
RU | GE  

აჭარაში სასწავლო პროცესი დისტანციურად გაგრძელდება – მთავრობა

დღეს, 24 სექტემბერს, საქართველოს მთავრობაში განაცხადეს, რომ 1-ლი ოქტომბრიდან საკლასო ოთახებში სწავლა განახლდება თბილისში, რუსთავში, ზუგდიდსა და ქუთაისში I-VI-კლასელი ბავშვებისთვის. ხოლო ფოთსა და გორში, ყველა კლასის ბავშვებს შეეძლებათ სკოლაში გაკვეთილებზე დასწრება.

რაც შეეხება აჭარას, ჯერჯერობით უცნობია როდის შეძლებენ ბავშვები საკლასო ოთახებში დაბრუნებას, რადგან მთავრობა კონკრეტულ თარიღს ამ დროისთვის ვერ ასახელებს.

„იქ, სადაც დისტანციურად მიმდინარეობს სასწავლო პროცესი, გაგრძელდება დისტანციურად,“- ამბობს ნათია მეზვრიშვილი, მთავრობის ადმინისტრაციის უფროსი.

საქართველოს განათლების მინისტრიც ადასტურებს, რომ აჭარაში ყველა საფეხურზე ნარჩუნდება დისტანციური სწავლება.

___________________

ამავე თემაზე:

იზრდება ბავშვების რაოდენობა, ვინც განათლებას ვერ იღებს – რატომ ვერ ხედავს სისტემა მათ

 

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com