მთავარი,სიახლეები

როგორ ნაწილდება აჭარაში ახალი შემთხვევების სტატისტიკა – 17 სექტემბრის მონაცემები

17.09.2020 • 864
როგორ ნაწილდება აჭარაში ახალი შემთხვევების სტატისტიკა – 17 სექტემბრის მონაცემები

17 სექტემბრის მონაცემებით აჭარაში კორონავირუსის 126 ახალი შემთხვევა დაფიქსირდა, ეს 18-ით ნაკლებია გუშინ დადასტურებულ შემთხვევებთან შედარებით. დღეს, 17 სექტემბერს, დაავადებათა კონტროლის ეროვნული ცენტრის დირექტორმა, ამირან გამყრელიძემ დაასახელა, როგორ ნაწილდება ბოლო 24 საათის განმავლობაში დადასტურებული ახალი შემთხვევები აჭარაში:

  • ბათუმი – 121 ახალი შემთხვევა 
  • ქედა – 1 ახალი შემთხვევა
  • ქობულეთი – 3 ახალი შემთხვევა 
  • ხულო – 1 ახალი შემთხვევა 

აჭარაში კორონავირუსის ეპიდაფეთქება პირველი სექტემბრიდან დაიწყო და ბოლო დღეებში რეგიონში ახალი დადასტურებული შემთხვევების რაოდენობა 24 საათში ასზე მეტია.

დღეს საქართველოს ჯანდაცვის მინისტრმა, ეკატერინე ტიკარაძემ, რომელიც ბათუმში იმყოფება, განაცხადა, რომ მობილიზებულია 500-ზე მეტი საწოლი, რომელთაგან 150 ცარიელია. ბათუმში უსიმპტომო კოვიდპაციენტები უკვე რამდენიმე დღეა გადაჰყავთ საკარანტინო სივრცეებში.

17 სექტემბრის მონაცემებით, საქართველოში სულ 179 ახალი შემთხვევა დადასტურდა.

გადაბეჭდვის წესი


ასევე: