Batumelebi | პანდემია გრძელდება და უფრო დიდ მასშტაბებს იღებს – ამირან გამყრელიძე პანდემია გრძელდება და უფრო დიდ მასშტაბებს იღებს – ამირან გამყრელიძე – Batumelebi
RU | GE  

პანდემია გრძელდება და უფრო დიდ მასშტაბებს იღებს – ამირან გამყრელიძე

„პანდემიაა მსოფლიოში, რომელიც საუკუნეში ერთხელ არის ხოლმე, რომელმაც უკვე მილიონამდე ადამიანი შეიწირა, 29 მილიონი ადამიანი დააინფიცირა, პროგნოზი კიდევ არ არის სახარბიელო“, – განაცხადა დაავადებათა კონტროლის ეროვნული ცენტრის დირექტორმა ამირან გამყრელიძემ „რუსთავი 2-ის“ ეთერში. მისი თქმით, სერიოზული გამოწვევა იქნება ნოემბერი:

„პანდემია ჯერჯერობით გრძელდება და უფრო დიდ მასშტაბებს იღებს, ვერ ჩერდება, ერთადერთი – შემსუბუქდა ოდნავ. ჩვენ არ ვიცით, ნოემბერში, როდესაც გრიპის სეზონი დაიწყება, ზედდება რა მასშტაბის იქნება. უნდა შევძლოთ [გამკლავება], ეს სერიოზული გამოწვევაა ნებისმიერი ქვეყნისთვის“, – განაცხადა ამირან გამყრელიძემ.

14 სექტემბერს ჯანდაცვის მსოფლიო ორგანიზაციის ევროპის ოფისის ხელმძღვანელმა ჰანს კლუგემ განაცხადა, რომ ევროპა უნდა მოემზადოს ოქტომბერსა და ნოემბერში COVID 19-ის მაჩვენებლის მატებისთვის.

„სიტუაცია უფრო გამკაცრდება. ოქტომბერსა და ნოემბერში ჩვენ ვიხილავთ მეტ სიკვდილიანობას”, –  განაცხადა მან.  კონტინენტზე ამჟამად აღინიშნება ახალი შემთხვევების მატება, მაგრამ გარდაცვალებათა მაჩვენებელი შედარებით სტაბილურია.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com