აჭარის საზოგადოებრივი ჯანდაცვის ცენტრის დირექტორის, რუსუდან შავიშვილის განცხადებით, ბოლო 24 საათში აჭარაში გამოვლენილი 39 ახალი შემთხვევიდან 15 პირის ინფიცირების წყარო უცნობია.
მისივე განცხადებით, სხვა ახალი შემთხვევები უკავშირდება ბათუმში გამოვლენილ, ცნობილ კლასტერებს. მათ შორის „ხოფის“ ბაზრობას უკავშირდება 4 ახალი შემთხვევა, 2 – „დონას“ კლასტერს, 2 – მაღაზია „ელიტ ელექტრონიქსს“. არის იმპორტირებული 4 შემთხვევა, რომელიც უკავშირდება სატვირთო მანქანის მძღოლებს.
„15 გახლავთ უცნობი შემთხვევა, რომელთა პირველწყარო არ არის ცნობილი, მათ შორის იკვეთება სამედიცინო დაწესებულებები, კვლევები ჯერ არ არის ბოლომდე დასრულებული“ – განაცხადა რუსუდან შავიშვილმა.
მისივე თქმით, გამოიკვეთა ვირუსის გავრცელების ახალი ადგილები: სადისტრიბუციო კომპანია, „თერა მოტორსი“, კლინიკა „როგო“ და ა.შ.
ბოლო 24 საათში ბათუმში კორონავირუსის 39 ახალი შემთხვევ დადასტურდა. ბოლო დღეებია აჭარაში ინფიცირებულთა რაოდენობა ყოველდღიურად იზრდება.
