შინაგან საქმეთა სამინისტროს ცნობით, ფოთში ერთ-ერთ მეხანძრე-მაშველს კორონავირუსი დაუდასტურდა.
სამინისტროს მიერ გავრცელებული ინფორმაციის თანახმად, მეხანძრე-მაშველს გეგმიური ტესტი 4 სექტემბერს ჩაუტარდა და ტესტმა დადებითი პასუხი აჩვენა. მანამდე, აღნიშნულმა პირმა გეგმიური შემოწმება 2 კვირით ადრე გაიარა, რა დროსაც პასუხი უარყოფითი იყო.
მეხანძრე-მაშველი ცვლაში 6 სექტემბერს მორიგეობდა. ამ დროისთვის ყველა თანამშრომელი, ვინც ამ დღეს მუშაობდა, დაკვირვების ქვეშაა და აღებული აქვთ ტესტები. შენობას ჩაუტარდა სრული დეზინფექცია.
სამინისტროს ცნობით, მეხანძრე-მაშველი თავს კარგად გრძნობს, მას არ აღენიშნება ვირუსის კლინიკური გამოვლინებები. იგი ფოთის საავადმყოფოში მკურნალობს.
