საქართველოს განათლების მინისტრის ახალი ბრძანებით, 2021-202გ2 სასწავლო წლიდან სკოლებში ჟურნალები გაუქმდება, ელექტრონული ჟურნალის წარმოება კი, სავალდებულო იქნება. მინისტრის ბრძანება ძალაში დღეს, 2020 წლის 7 სექტემბერს შევიდა.
ამავე ბრძანებით, სკოლებმა ელექტრონული ჟურნალის წარმოება მიმდინარე წლიდანვე უნდა დაიწყონ.
2020-2021 სასწავლო წელს სკოლამ უნდა აწარმოოს ელექტრონული ჟურნალი. თუ საჯარო ან კერძო სკოლის მასწავლებელს არ აქვს შესაბამისი პირობები (კომპიუტერული მოწყობილობა/ინტერნეტი), სკოლა ყოველდღიურად გააგრძელებს ჟურნალის წარმოებას და მასწავლებლები დასწრებისა და შეფასებების შესახებ ინფორმაციას ელექტრონულ ჟურნალში ყოველი კვირის ბოლოს შეიტანენ.
„ამისთვის მასწავლებლები საჯარო/კერძო სკოლის რესურსს (კომპიუტერული მოწყობილობა/ინტერნეტი) გამოიყენებენ“, – აღნიშნულია ბრძანებაში.
მინისტრის ახალი ბრძანებით:
„2020-2021 სასწავლო წელს ზოგადსაგანმანათლებლო დაწესებულებები ვალდებული არიან დაიწყონ ელექტრონული ჟურნალის წარმოება. ყველა საჯარო სკოლამ უნდა აწარმოოს ელექტრონული ჟურნალი განათლების მართვის საინფორმაციო სისტემის მიერ შექმნილი პლატფორმით. თუმცა, იმ შემთხვევაში, თუ საჯარო ან კერძო სკოლის ყველა მასწავლებელს არ აქვს შესაბამისი პირობები (კომპიუტერული მოწყობილობა/ინტერნეტი), სკოლა ყოველდღიურად აგრძელებს ჟურნალის წარმოებას და ყოველი კვირის ბოლოს მასწავლებლები შეიტანენ დასწრებისა და შეფასებების შესახებ ინფორმაციას ელექტრონული ჟურნალის პლატფორმაზე, რისთვისაც უნდა გამოიყენონ საჯარო/კერძო სკოლის რესურსი (კომპიუტერული მოწყობილობა/ინტერნეტი)“;
„ჟურნალსა და ელექტრონულ ჟურნალში არსებული მონაცემების შეუსაბამობის შემთხვევაში, უპირატესობა ენიჭება ჟურნალში არსებულ ინფორმაციას“;
ზოგადსაგანმანათლებლო დაწესებულებები დისტანციური სწავლების პერიოდში გათავისუფლებულნი არიან ჟურნალში კონკრეტულ საგანში მოსწავლეთა გაკვეთილზე დასწრების შესახებ ინფორმაციის ყოველდღიური ასახვის ვალდებულებისაგან“;
„2021-2022 სასწავლო წლიდან საქართველოს ზოგადსაგანმანათლებლო დაწესებულებებში ელექტრონული ჟურნალის წარმოება გახდეს სავალდებულო და გაუქმებულ იქნეს ჟურნალების წარმოება.“
—
2020-21 სასწავლო წლისთვის აჭარის 16 საჯარო სკოლას პირველკლასელი არ ეყოლება:
[red_box][/red_box]
საქართველოს პრემიერ-მინისტრმა, გიორგი გახარიამ კი, 7 სექტემბერს განაცხადა, რომ ბათუმსა და ქობულეთში სწავლა სკოლებსა და უმაღლეს სასწავლო დაწესებულებებში არა 15 სექტემბერს, არამედ 1-ელ ოქტომბერს დაიწყება:
ბათუმსა და ქობულეთში 1-ელ ოქტომბრამდე სწავლა დისტანციურად დაიწყება – გახარია
