პრემიერ-მინისტრმა გიორგი გახარიამ დღეს, 7 სექტემბერს, გამართულ ბრიფინგზე განაცხადა, რომ 12 დღის ნაცვლად კარანტინის პერიოდი 8 დღემდე შემცირდა. მე-9 დღეს კარანტინში მოთავებულ პირს ჩაუტარდება პისიარტესტირება, მე-12 დღეს კი ტესტი განმეორდება.
პრემიერის განცხადებით, არსებულმა პრაქტიკამ ცხადყო, რომ კორონავირუსით ინფიცირების მე-8 დღიდან ვირუსის გადაცემის მაჩვენებელი უკიდურესად მცირეა და სწორედ ამიტომ გადაწყდა საკარანტინო პერიოდის შემცირება.
გიორგი გახარიასვე თქმით, ბათუმსა და ქობულეთში სკოლებსა და უმაღლეს სასწავლებლებში სასწავლო პროცესი 1-ელ ოქტომბრამდე დისტანციურად წარიმართება. დანარჩენ რეგიონებში სწავლა დაგეგმილ დროს, 14 სექტემბრიდან განახლდება აუდიტორიებსა და საკლასო ოთახებში.
როგორც პრემიერმა აღნიშნა, ეპიდემიოლოგიური ვითარება პოლიტიკურ პროცესს საფრთხეს არ შეუქმნის და არჩევნები დაგეგმილ დროს ჩატარდება.
