Batumelebi | რომელ სტუდენტებს დააფინანსებს სახელმწიფო სოციალური პროგრამის ფარგლებში რომელ სტუდენტებს დააფინანსებს სახელმწიფო სოციალური პროგრამის ფარგლებში – Batumelebi
RU | GE  

რომელ სტუდენტებს დააფინანსებს სახელმწიფო სოციალური პროგრამის ფარგლებში

განათლების სამინისტროს ინფორმაციით, სოციალური პროგრამის ფარგლებში სტუდენტების სახელმწიფო სასწავლო გრანტით დაფინანსების მიზნით ბაკალავრიატის, მასწავლებლის მომზადების ინტეგრირებული საბაკალავრო-სამაგისტრო, ვეტერინარის ინტეგრირებული სამაგისტრო, დიპლომირებული მედიკოსის, სტომატოლოგიის აკრედიტებულ საგანმანათლებლო პროგრამებზე განცხადებების მიღება დაიწყო.

სამინისტროს ინფორმაციით, სოციალური პროგრამის ფარგლებში, სწავლის დაფინანსებასთან დაკავშირებით განაცხადები მიიღება მხოლოდ ონლაინრეგისტრაციით. რეგისტრაცია შესაძლებელია 2020 წლის 7 სექტემბრიდან 28 სექტემბრის 18:00 საათამდე, ელექტრონულ პორტალზე: socreg.mes.gov.ge. სამინისტროს ვებგვერდზე www.mes.gov.ge განთავსებულია ელექტრონული რეგისტრაციისა და განცხადების შევსების ინსტრუქცია.

პროგრამა ითვალისწინებს ერთიანი ეროვნული გამოცდების შედეგების საფუძველზე ჩარიცხული 13 კატეგორიის სტუდენტების სახელმწიფო სასწავლო გრანტით დაფინანსებას. კერძოდ, დაფინანსდებიან:

  • მაღალმთიანი სოფლის სტატუსის მქონე სკოლის კურსდამთავრებულები
  • სტუდენტები ოკუპირებული ტერიტორიებიდან
  • აზერბაიჯანულენოვანი სკოლის კურსდამთავრებულები
  • სომხურენოვანი სკოლის კურსდამთავრებულები
  • ტერიტორიული მთლიანობისათვის საომარი მოქმედებების შედეგად დაღუპულთა შვილები, მკვეთრად შეზღუდული შესაძლებლობის მქონე ვეტერანები ან მათი შვილები
  • ობოლი (უდედმამო) სტუდენტები
  • მრავალშვილიანი (4 და მეტი შვილი) ოჯახის წევრები
  • სტუდენტები, რომლებიც იმყოფებოდნენ სახელმწიფო მზრუნველობის ქვეშ
  • სტუდენტები, რომელთაც მოპოვებული აქვთ/ჰქონდათ რეპატრიანტის სტატუსი
  • შეზღუდული შესაძლებლობის მქონე სტუდენტები
  • აუტიზმის სპექტრის აშლილობის მქონე პირები
  • ოკუპირებულ ტერიტორიებთან გამყოფი ხაზის მიმდებარე სოფლის კურსდამთავრებულები
  • სოციალურად დაუცველი სტუდენტები (ოჯახის სარეიტინგო ქულით 70000 და ქვევით).

სოციალურ პროგრამასთან დაკავშირებული დეტალური ინფორმაცია, დასაფინანსებელ სტუდენტთა კატეგორიებისა და კატეგორიის კუთვნილების დამადასტურებელი საჭირო დოკუმენტების ჩამონათვალის შესახებ, იხილეთ სამინისტროს ოფიციალურ ვებგვერდზე.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com