Batumelebi | აშშ: შავი ზღვის თავზე რუსული გამანადგურებლების მანევრებმა ჩვენს ბომბდამშენს საფრთხე შეუქმნეს აშშ: შავი ზღვის თავზე რუსული გამანადგურებლების მანევრებმა ჩვენს ბომბდამშენს საფრთხე შეუქმნეს – Batumelebi
RU | GE  

აშშ: შავი ზღვის თავზე რუსული გამანადგურებლების მანევრებმა ჩვენს ბომბდამშენს საფრთხე შეუქმნეს

ორმა რუსულმა ავიაგამანადგურებელმა პარასკევს, 28 აგვისტოს, შავი ზღვის თავზე, საერთაშორისო წყლებში, აშშ-ს საჰაერო ძალების B-52 ბომბდამშენი „არაუსაფრთხოდ, არაპროფესიონალურად“ გადაუღობა გზა. ინფორმაციას ამის შესახებ „სიენენი“ ავრცელებს, ევროპაში აშშ-ს საჰაერო ძალების საზოგადოებასთან ურთიერთობის სამსახურზე დაყრდნობით. 

ოფიციალური ინფორმაციის თანახმად, რუსმა პილოტებმა B-52-ს  ორჯერ შეუქმნეს საავარიო სიტუაცია, რამაც ტურბულენტობა გამოიწვია და  B-52-ის პილოტებს შეუზღუდა მანევრირების საშუალება. 

„მსგავსი ქმედებები ზრდის შეჯახების რისკს, არ შეესაბამება საერთაშორისო ფრენების წესებს,“ –  ნათქვამია გენერალ ჯეფ ჰარიგანის განცხადებაში. 

„ჩვენ ველით, რომ ისინი მოიქცევიან საერთაშორისო სტანდარტების შესაბამისად, უსაფრთხოების უზრუნველსაყოფად და ინციდენტების პრევენციისათვის,” – ნათქვამია ჯეფ ჰარიგანის განცხადებაში. 

ნეტგაზეთის მასალების სხვა გამოცემებში გადაბეჭდვის წესი
ავტორი