Batumelebi | პროფესიულ პროგრამებზე ჩარიცხვის მსურველთა ტესტირება იწყება პროფესიულ პროგრამებზე ჩარიცხვის მსურველთა ტესტირება იწყება – Batumelebi
RU | GE  

პროფესიულ პროგრამებზე ჩარიცხვის მსურველთა ტესტირება იწყება

განათლების სამინისტროს ინფორმაციით, პროფესიული განათლების მიღების მსურველ პირთა ტესტირება 5-6 სექტემბერს, დილის 09:00 საათზე დაიწყება.

სამინისტროს ინფორმაციით, პროფესიული ტესტირების გავლა სავალდებულოა შესაბამის საგანმანათლებლო პროგრამაზე ჩარიცხვისა და სახელმწიფო დაფინანსების მოპოვებისთვის.

„პროფესიული ტესტირების წინა დღეს, ონლაინრეჟიმში ჩატარდება საცდელი ტესტირება, აპლიკანტებს საშუალება ექნებათ ყოველგვარი შეფასების გარეშე ივარჯიშონ და მოსინჯონ საკუთარი ძალები“, – აცხადებს სამინისტრო.

პროფესიულ პროგრამებზე დარეგისტრირებული პირები მიიღებენ მოკლე ტექსტურ შეტყობინებებს (sms-ებს) საგამოცდო ბარათების შესახებ, რომლებიც გაიცემა პროფესიულ კოლეჯებში, პროფესიული პროგრამების განმახორციელებელ უმაღლეს სასწავლებლებსა და საგანმანათლებლო რესურსცენტრებში.

ბარათზე მითითებული იქნება საგამოცდო ცენტრის მისამართი, ინფორმაცია პრეტესტის შესახებ, ტესტირების თარიღის შესახებ და სხვა დეტალები.

ბარათის მისაღებად პირს თან უნდა ჰქონდეს სარეგისტრაციო ფურცელი, პირადობის დამადასტურებელი დოკუმენტი, ხოლო ტესტირებაზე თან უნდა იქონიონ  პირადობის დამადასტურებელი დოკუმენტი, საგამოცდო ბარათი, პირბადე და კალამი.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com