Batumelebi | კორონავირუსის 1 ახალი შემთხვევა ბათუმში – 15 აგვისტოს მონაცემები კორონავირუსის 1 ახალი შემთხვევა ბათუმში – 15 აგვისტოს მონაცემები – Batumelebi
RU | GE  

კორონავირუსის 1 ახალი შემთხვევა ბათუმში – 15 აგვისტოს მონაცემები

15 აგვისტოს ბათუმში კორონავირუსი კიდევ ერთ პირს დაუდასტურდა. ამ დროისთვის ბათუმის რესპუბლიკურ საავადმყოფოში კოვიდინფიცირებული 19 პაციენტი მკურნალობს.

პირი, ვისაც დღეს კორონავირუსი დაუდასტურდა კარანტინში არ იმყოფებოდა. აჭარის ჯანდაცვის სამინისტროს ინფორმაციით, პაციენტის ინფიცირების წყარო დგინდება.

საქართველოს მასშტაბით დღეს კორონავირუსის 15 ახალი შემთხვევა დაფიქსირდა. გამოჯანმრთელდა 3 პაციენტი. შესაბამისად, ინფიცირებულთა რაოდენობა ჯამში 1 321-მდე გაიზარდა, მათგან გამოჯანმრთელებულია 1 088 პაციენტი.

ამ დროისთვის საქართველოში კორონავირუსის აქტიურ შემთხვევათა რიცხვი 216-ია, ვირუსით გარდაცვლილია 17 ადამიანი, კარანტინის რეჟიმში 7 597 პირი იმყოფება.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com