Batumelebi | რომელი უნივერსიტეტი შეცვლის საქართველოში PR-ის დონეს რომელი უნივერსიტეტი შეცვლის საქართველოში PR-ის დონეს – Batumelebi
RU | GE  
ალტერბრიჯი

რომელი უნივერსიტეტი შეცვლის საქართველოში PR-ის დონეს

მათთვის, ვისაც უმაღლესი განათლების მიღება კომუნიკაციების სფეროში სურს, ქართულ საგანმანათლებლო სივრცეში სიახლეა: ახალი საერთაშორისო სტანდარტებით, მართვისა და კომუნიკაციების საერთაშორისო უნივერსიტეტმა „ალტერბრიჯმა“ სამაგისტრო პროგრამებზე განაცხადების მიღება 20 აგვისტოდან 11 სექტემბრამდე გამოაცხადა. 

 „ალტერბრიჯი“ დამაკავშირებელი ხიდია მეცნიერებას, საზოგადოებას, განათლებასა და დასაქმებას შორის“ – აცხადებენ უნივერსიტეტში. 

„ალტერბრიჯმა“ 6-წლიანი უპირობო ავტორიზაცია მიიღო, რაც იმას ნიშნავს, რომ საგანმანათლებლო სფეროს კონკურენტულ ბაზარზე კიდევ ერთი საინტერესო და მრავალმხრივი შესაძლებლობების მქონე უნივერსიტეტი გამოჩნდა. საზოგადოებრივი ურთიერთობები და  კომუნიკაციის ფსიქოლოგია  ბაკალავრებისთვის, სტრატეგიული კომუნიკაცია – მაგისტრებისთვის თითოეულ ამ მიმართულებას ადგილობრივ და საერთაშორისო დონეზე გამოცდილი და თავიანთ სფეროში წარმატებული პროფესორები გაუძღვებიან. 

„ჩვენმა პროგრამებმა სრულად უნდა შეცვალოს PR-ის დონე საქართველოში. ჩვენი კურსდამთავრებულები იქნებიან კომუნიკაციის ფსიქოლოგები, რომლებსაც ექნებათ საზოგადოებრივი აზრის ჩამოყალიბების, ნეიროლინგვისტური პროგრამირების უნარები, რომლებიც  მზად იქნებიან, შექმნან სწორი კონტენტი და მოარგონ ის საზოგადოებრივ ინტერესებს. ჩვენ უნდა შევქმნათ პიროვნული და პროფესიული თვითრეალიზების ახალი, საუკეთესო შესაძლებლობები და ხელი შევუწყოთ განათლებით დასაქმების პერსპექტივას. “, აღნიშნავს უნივერსიტეტის რექტორი, ნათია გოცაძე. 

მისი განცხადებით, სტუდენტები ცოდნას უშუალოდ პრაქტიკოსი სპეციალისტებისგან მიიღებენ და თავიდანვე ჩაერთვებიან საკომუნიკაციო აქტივობებში. 

„ალტერბრიჯის“ პარტნიორი ორგანიზაციები კომუნიკაციების სფეროს სხვადასხვა მიმართულებით მუშაობენ: მედია, სარეკლამო ინდუსტრია, მსხვილი კომპანიები თუ საჯარო უწყებები – ყველა ეს ორგანიზაცია მზადაა, „ალტერბრიჯის“ სტუდენტებს თეორიული თუ პრაქტიკული ცოდნის და უნარების ათვისებაში დაეხმარონ.   

თავიდანვე ჩემი პირადი მოტივაცია იყო, რომ ქვეყანაში საზოგადოებასთან ურთიერთობის დარგი განვითარებულიყო. ამ მიზნით შეიქმნა PR აკადემია, რომელიც დღესალტერბრიჯისდამფუძნებელია და უკვე 7 წელია, ლიდერია არაფორმალური განათლების სფეროში. “ალტერბრიჯშიცპირველი პროგრამები ამ მიმართულებით განვახორციელეთ“, აღნიშნავს რექტორი. 

კვლევითი პროექტები, საჯარო შეხვედრები, სამეცნიერო კონფერენციები, სიმპოზიუმები და ფორუმები, პრაქტიკული სამუშაოები  – ესაა იმ აქტივობების მცირე ჩამონათვალი, რომელსაც უნივერსიტეტი სტუდენტებს სთავაზობს. 

გარდა ამისა, „ალტერბრიჯში“ სასერტიფიკატო პროგრამების გავლაც არის შესაძლებელი: ტრენინგები, ვორქშოპები, პროფესიული მომზადების კურსები და ა.შ. 

უნივერსიტეტს გააჩნია ასევე მჭიდრო კონტაქტები სხვადასხვა უმაღლეს სასწავლებლებთან მსოფლიოს მასშტაბით, რაც წარმატებულ სტუდენტებს გაცვლითი პროგრამებით სხვადასხვა ქვეყნის პრესტიჟულ უნივერსიტეტებში სწავლის შესაძლებლობას აძლევს. აღნიშნული კონტაქტების მეშვეობით, „ალტერბრიჯში“ პერიოდულად იგეგმება პარტნიორი უნივერსიტეტების პროფესორების და ლექტორების ჩამოყვანაც, რომლებიც შესაბამის კურსებს გაუძღვებიან. 

რაც შეეხება მომავალ დასაქმებას, ნათია გოცაძის განცხადებით, „ალტერბრიჯი“ კომუნიკაციების სფეროში ახალ პროფესიონალებს გაზრდის, რომლებიც თავიანთ სიტყვას იტყვიან ამ მიმართულებით. 

,,სტრატეგიული კომუნიკაცია დღეს სჭირდება ყველას, ვისთვისაც საზოგადობრივი აზრი, ლოიალური მომხმარებელი, რეპუტაცია და გრძელვადიანი ურთიერთობებია მნიშვნელოვანი. ჩვენი კურსდამთავრებულები იქნებიან პროფესიონალები, რომლებიც შექმნიან  ამ ღირებულებებს. „ალტერბრიჯი“ მისცემს მათ საშუალებას, გახდნენ ბაზარზე ინოვატორი ლიდერები, სტრატეგები, რომლებიც საკომუნიკაციო პოლიტიკას აბსოლუტურად ახალ დონეზე აიყვანენ” – აღნიშნავს ნათია.

„ალტერბრიჯი“ ეკოლოგიურ და უსაფრთხო გარემოში, ბაგებში, ყოფილი სტუდქალაქის ტერიტორიაზე მდებარეობს. ლოფტის ტიპის დიზაინით დაგეგმარებული შენობის სტრუქტურა უზრუნველყოფს, რომ სტუდენტებმა კომფორტულ და თავისუფალ გარემოში იმეცადინონ და მიიღონ საჭირო ცოდნა, გამოცდილება და პრაქტიკული უნარები. 

ნეტგაზეთის მასალების სხვა გამოცემებში გადაბეჭდვის წესი
ავტორი