Batumelebi | ისტორია, მათემატიკა, ფიზიკა – კიდევ რა სპეციალობის სტუდენტებს აფინანსებენ ბსუ-ში სრულად ისტორია, მათემატიკა, ფიზიკა – კიდევ რა სპეციალობის სტუდენტებს აფინანსებენ ბსუ-ში სრულად – Batumelebi
RU | GE  

ისტორია, მათემატიკა, ფიზიკა – კიდევ რა სპეციალობის სტუდენტებს აფინანსებენ ბსუ-ში სრულად

განათლების სამინისტრომ 2020-2021 სასწავლო წლისთვის უმაღლეს სასწავლებლებში აკრედიტებული ის პროგრამული მიმართულებები დაასახელა, რომლებშიც სტუდენტების სწავლის საფასურს სახელმწიფო სრულად დააფინანსებს. ათ უნივერსიტეტს შორის არის ბათუმის რუსთაველის სახელმწიფო უნივერსიტეტიც. ამ მიმართულებების დასაფინანსებლად ბსუ 967 500 ლარს მიიღებს.

ბსუ-ს მიერ მოწოდებული ინფორმაციის მიხედვით, 2020-2021 სასწავლო წელს უნივერსიტეტში პროგრამების მიხედვით ადგილების რაოდენობა, რომლებზეც სტუდენტს სწავლის საფასურს სრულად დაუფინანსებენ, სულ 430-ია.

დაფინანსებული პროგრამები და გამოყოფილი კვოტები ბსუ-ში

  • აგრარული ტექნოლოგიები – 50 ადგილი
  • ბიოლოგია – 30 ადგილი
  • ეკონომიკა – 40 ადგილი
  • ზოგადი განათლების დაწყებითი საფეხურის მასწავლებლის მომზადების ინტეგრირებული საბაკალავრო-სამაგისტრო საგანმანათლებლო პროგრამა – 80 ადგილი
  • ისტორია – 50 ადგილი
  • მათემატიკა – 25 ადგილი
  • მშენებლობა – 50 ადგილი
  • ფიზიკა – 10 ადგილი
  • ქართული ფილოლოგია – 80 ადგილი
  • ქიმია – 15 ადგილი

 ბსუ-ს ინფორმაციით, პროგრამის ფარგლებში 2019-2020 სასწავლო წლის მეორე სემესტრში ოთხივე კურსზე დაფინანსება მიიღო 1 535-მა სტუდენტმა.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.