Batumelebi | პოლიციელებზე თავდასხმის ბრალდებით ქობულეთში ერთი პირი დააკავეს პოლიციელებზე თავდასხმის ბრალდებით ქობულეთში ერთი პირი დააკავეს – Batumelebi
RU | GE  

პოლიციელებზე თავდასხმის ბრალდებით ქობულეთში ერთი პირი დააკავეს

შს სამინისტრომ ქობულეთში დააკავა მოქალაქე, რომელიც პოლიციელებს ფიზიკურად დაუპირისპირდა.

შემთხვევა გუშინ, 10 აგვისტოს, ღამით მოხდა სოფელ გვარაში. პოლიციის თანამშრომლებს, რომლებიც ადგილზე სამართალდარღვევის ფაქტზე იმყოფებოდნენ, ფიზიკური შეურაცხყოფა მიაყენა მოქალაქემ. გავრცელებული ინფორმაციით, მოქალაქე ალკოჰოლის ზემოქმედების ქვეშ იმყოფებოდა და მან ერთი პოლიციელი ცივი იარაღით დაჭრა.

პოლიციელების ჯანმრთელობის მდგომარეობა სტაბილურია. ისინი ქობულეთის ერთ-ერთ კლინიკაში გადაიყვანეს დაჟეჟილობითა და ნაკვეთი ხასიათის ჭრილობით. ორივე მათგანმა გუშინვე დატოვა კლინიკა.

შს სამინისტროს ინფორმაციით, გამოძიება დაიწყო სისხლის სამართლის კოდექსის 353 პრიმა მუხლით – პოლიციელზე, სპეციალური პენიტენციური სამსახურის მოსამსახურეზე ან ხელისუფლების სხვა წარმომადგენელზე ანდა საჯარო დაწესებულებაზე თავდასხმა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com