ორშაბათიდან ბათუმში ხანმოკლე წვიმაა მოსალოდნელი – ამინდის პროგნოზი

გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ინფორმაციით, 9 აგვისტოს 21 საათიდან 10 აგვისტოს 21 საათამდე აჭარაში  მოსალოდნელია ცვალებადი მოღრუბლულობა, უმეტესად უნალექოდ; დღის მეორე ნახევრიდან კი – ზოგან ელვა-ჭექა და ხანმოკლე წვიმა.

იქროლებს ცვალებადი მიმართულების ქარი 10-15 მეტრი წამში.

ჰაერის ტემპერატურა სანაპირო და შიდამთიან რაიონებში იქნება:

• დღისით: 25 – 30 გრადუსი
• ღამით: 20 – 25 გრადუსი

მაღალ მთაში მოსალოდნელია:

• დღისით: 22 – 27 გრადუსი
• ღამით: 12 – 17 გრადუსი

ზღვის წყლის ტემპერატურა +30 გრადუსი იქნება.

სინოპტიკოსების ცნობით, მომდევნო 2 დღეს, 11-12 აგვისტოს, ბათუმსა და აჭარის მთიანეთში მოსალოდნელია დროგამოშვებით ელვა-ჭექა და წვიმა.

მთავარი ფოტო: ბათუმის ხედი ფერიის მთიდან / 2020 წელი / ფოტო: „ბათუმელები“