8 აგვისტოდან BIAFF ბათუმის კინოფესტივალი კინოჩვენებებს იწყებს. კინოჩვენები ბათუმის ბულვარში, რესტორან „ქართული/პონტოს“ ტერასაზე გაიმართება, სადაც დიდ ეკრანზე ნაჩვენები იქნება BIAFF-ის მენეჯმენტის მიერ შერჩეული ფილმები – ახალი ქართული და ევროპული კინო.
მენეჯმენტის ინფორმაციით, კინოსეანსები გაიმართება კვირაში სამჯერ – პარასკევს, შაბათს და კვირას. დასაწყისი – 21.00 საათზე. დღეში ერთი სეანსი.
კინოსეანსებზე დასწრება თავისუფალია.
ამავე წყაროს ცნობით, პროექტი BIAFFIADA / ბიაფფიადა 2019 წელს დაიწყო, რომლის მხარდამჭერი იყო აჭარის კულტურის სამინისტრო. ამავე წლის აგვისტოს და ოქტომბრის პერიოდში კინოჩვენებები გაიმართა ბათუმში, ქედასა და შუახევში.