კორონავირუსის პანდემიის მიუხედავად, 21-23 აგვისტოს ბათუმი ტრადიციულად შავი ზღვის რიგით მე-14 ჯაზფესტივალს უმასპინძლებს.
წლევანდელი ფესტივალი დაკომპლექტებულია მხოლოდ ქართველი მუსიკოსებით. ფესტივალს 21 აგვისტოს გიორგი მიქაძე გახსნის პროექტით – Giorgi Mikadze Micro BeatZ-ი, რომლის შემდეგაც მსმენელის წინაშე ნინო ქათამაძე Black Sea Jazz Project-ით წარდგება.
22 აგვისტოს, ფესტივალის მეორე დღეს, სცენას ახალგაზრდა მუსიკოსის, ლუკა თოფურიას ტრიო დაიკავებს. შემდეგ კი, მსმენელის წინაშე სპეციალურად ფესტივალისთვის შექმნილი პროგრამით სტეფანე წარდგება. შავი ზღვის ჯაზფესტივალს 23 აგვისტოს Young Georgian Lolitaz-ი და ჯგუფი Moku Moku დახურავენ.
კომპანია Eastern Promotions-მა წელსაც არ უღალატა ტრადიციას და მიუხედავად არსებული მსოფლიო პანდემიისა და მასთან დაკავშირებული შეზღუდვებისა, ერთგულ მსმენელს ტრადიციულად ბათუმში, შავი ზღვის ჯაზფესტივალის ზეიმზე ეპატიჟება.
“ის ფაქტი, რომ წლევანდელი ფესტივალი სრულად არის დაკომპლექტებული ქართველი შემსრულებლებით, ხაზს უსვამს, რომ Eastern Promotions-ი პანდემიის გამო დაზარალებული ქართული მუსიკალური ინდუსტრიის გვერდით დგას,” – აცხადებენ კომპანიაში.
ფესტივალის ოფიციალური სპონსორია VISA, მხარდამჭერები არიან: საქართველოს განათლების, მეცნიერების, კულტურისა და სპორტის სამინისტრო და აჭარის ავტონომიური რესპუბლიკის განათლების, კულტურისა და სპორტის სამინისტრო.
შავი ზღვის ჯაზფესტივალის მედიამხარდემჭერები: ნეტგაზეთი და გაზეთი ბათუმელები, მარკეტერი, რადიო ფორტუნა, ავტორადიო.
ბილეთები იყიდება ონლაინ TkT.GE-ზე.
[checklist]
- 21 აგვისტო: Giorgi Mikadze Micro BeatZ; ნინო ქათამაძე Black Sea Jazz Project
- 22 აგვისტო: ლუკა თოფურიას ტრიო
სტეფანე სპეციალურად შავი ზღვის ჯაზფესტივალისთვის შექმნილი პროგრამით - 23 აგვისტო: Young Georgian Lolitaz Moku Moku
[/checklist]
Doors Open: 20:00
