Batumelebi | სამხედროებსა და მათი ოჯახის წევრებს სწავლის საფასურს დაუფინანსებენ – სამინისტრო სამხედროებსა და მათი ოჯახის წევრებს სწავლის საფასურს დაუფინანსებენ – სამინისტრო – Batumelebi
RU | GE  

სამხედროებსა და მათი ოჯახის წევრებს სწავლის საფასურს დაუფინანსებენ – სამინისტრო

განათლების სამინისტროს ინფორმაციით, თავდაცვის სამინისტრო აპირებს ფინანსურად დაეხმაროს სამხედროებს, მათი ოჯახის წევრებს და დაუფინანსოს სწავლის საფასური.

„ახალი პროექტი ითვალისწინებს განათლების ხელშეწყობას, ამიტომ თავდაცვის სამინისტრო უმაღლეს სასწავლებლებში ჩარიცხული სამხედროებისა და მათი ოჯახის წევრებისთვის სწავლის საფასურის 50-პროცენტიან თანადაფინანსებას უზრუნველყოფს, რომელიც მოიცავს სახელმწიფოს მიერ დადგენილი სწავლის მინიმალური საფასურის – 2 250 ლარის ნახევარის დაფარვას“, – ინფორმაციას წერილობით ავრცელებს განათლების სამინისტრო.

ამავე წყაროს ცნობით, მაღალი აკადემიური მოსწრებისთვის მათ სემესტრულად 750 ლარის ოდენობით „მინისტრის სტიპენდიაც“ დაენიშნებათ“.

სამინისტროს ინფორმაციით, პროექტის – „ჩვენი ჯარი“ ფარგლებში იგეგმება თავდაცვის ძალების სამხედრო მოსამსახურეების მიერ სტუდენტებისთვის პრეზენტაციების გამართვა საქართველოს სამხედრო ისტორიის, ეროვნული გმირების, საქართველოს თავდაცვის ძალების, სამხედრო სამსახურის, საერთაშორისო მისიებში საქართველოს მონაწილეობის და სხვა თემატური საკითხების შესახებაც.

ამავე თემაზე:

17 წლამდე მოქალაქეები 200-ლარიან დახმარებას მიიღებენ – გახარია

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com