3 აგვისტოს მონაცემებით, ბოლო 24 საათში საქართველოში კორონავირუსის 2 ახალი შემთხვევა გამოვლინდა, განიკურნა 4 პაციენტი.
თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, ახალი შემთხვევებიდან ერთი ინფიცირებულ პირთან კონტაქტია, ერთის ინფიცირების წყარო კი ჯერჯერობით უცნობია.
დღევანდელი მონაცემებით, საქართველოს კოვიდცენტრებში მკურნალობს 241 ინფიცირებული.
დღეის მონაცემებით საქართველოში სულ კორონავირუსის 1179 შემთხვევაა დადასტურდა, რომელთაგან 959 პაციენტი გამოჯანმრთელდა, 17 კი გარდაიცვალა.
დღევანდელი მონაცემებით, კარანტინში იმყოფება 6919 ადამიანი, ხოლო სტაციონარში მეთვალყურეობის ქვეშ – 251.
