Batumelebi | “შვილების გადასარჩენად” – აქცია ევროპის მოედანზე “შვილების გადასარჩენად” – აქცია ევროპის მოედანზე – Batumelebi
RU | GE  

“შვილების გადასარჩენად” – აქცია ევროპის მოედანზე

“მკვლელი სისტემა”, “ნუ მომკლავ” – ამ და სხვა ლოზუნგებით სოლიდარობის აქცია ბათუმში, ევროპის მოედანზე იმართება. აქციის ორგანიზატორია პოლიტიკური მოძრაობა “ლელო საქართველოსთვის”. აქციაზე შეკრებილები აპროტესტებენ კრიმინალური შემთხვევების გახშირებას და თვლიან, რომ ხელისუფლების მუშაობა კრიმინალის წინააღმდეგ არაეფექტურია.

“ეს არის სოლიდარობა ყველა ადამიანის მიმართ, რომელიც არის ძალადობრივი სისტემის მსხვერპლი, უსამართლობის და გახშირებული კრიმინალური შემთხვევების მსხვერპლი… ხელისუფლებამ არ უზრუნველყო მაღალკვალიფიციური კადრებით საგამოძიებო ორგანოების და სამართალდამცავი სტრუქტურების დაკომპლექტება, არ უზრუნველყო სამართლიანობის განცდის გაძლიერება,” – გვითხრა თამარ ბუთირიშვილმა. ის “ლელოს” ბათუმის ქალთა საბჭოს კურატორია.

“ყველაფერი თეთრი ძაფითაა ნაკერი, ყველაფერი კარგად ჩანს… ასე გამოდის, ჩვენს ქვეყანაში ჟურნალისტები აკეთებენ გამოძიებას,” – გვითხრა ნონა ხაზარაძემ.

აქციის მონაწილეებმა ევროპის მოედნიდან აჭარის მთავრობასთან გადაინაცვლეს.

აქციაზე გააპროტესტეს უგზო-უკვლოდ დაკარგულების მაჩვენებელიც.

ნუ მომკლავ – აქციის მონაწილეებმა აჭარის მთავრობასთან გადაინაცვლეს

___

წელს საქართველოში 54 ადამიანი დაიკარგა, 20 პირს ამ დრომდე ეძებენ

ნეტგაზეთის მასალების სხვა გამოცემებში გადაბეჭდვის წესი
ავტორი