ბათუმი,მთავარი,სიახლეები

ბათუმის შემოვლითი გზის მშენებლობაში დამატებით თურქი სპეციალისტები ჩაერთნენ – დეპარტამენტი

24.07.2020 • 3280
ბათუმის შემოვლითი გზის მშენებლობაში დამატებით თურქი სპეციალისტები ჩაერთნენ – დეპარტამენტი

გრიგოლეთი-ქობულეთის და ბათუმის შემოვლითი გზების პროექტებში დამატებითი პერსონალი 14-დღიანი კარანტინის გავლის შემდეგ ჩაერთო. ინფორმაციას საქართველოს საავტომობილო გზების დეპარტამენტი ავრცელებს.

„საქართველოში თურქეთის  საელჩოსა და უწყებათაშორისი საკოორდინაციო საბჭოს ხელშეწყობით, შემოვლითი გზის პროექტის განმახორციელებელმა თურქულმა კომპანია POLATYOL-მა, COVID 19-ის წინააღმდეგ ბრძოლის რეკომენდაციების გათვალისწინებით, უსაფრთოხების დაცვისთვის საჭირო სამოქმედო გეგმა წინასწარ განსაზღვრა.

საქართველოს საზღვარზე PCR ტესტის გავლის შემდეგ, თურქულმა კომპანიამ უზრუნველყო თავის სპეციალურ საკარანტინო ზონაში გადაყვანა. 14-დღიანი ვადის გასვლის შემდეგ, საკარანტინო სივრცის დატოვებამდე, თურქმა სპეციალისტებმა განმეორებით გაიარეს ტესტირება და ექიმის დასკვნის საფუძველზე პროექტებზე მუშაობას შეუდგნენ“, – აცხადებენ საავტომობილო გზების დეპარტამენტში.

ამავე დეპარტამენტის ინფორმაციით, „მიუხედავად იმისა, რომ გლობალური პანდემიის პირობებში  საქართველოში სისტემურ ინფრასტრუქტურულ პროექტებზე სამუშაოები არ შეჩერებულა, ზოგიერთი მათგანის  ტემპი სპეციალური კვალიფიკაციის მქონე მუშახელის არასაკმარისი  რაოდენობის გამო მნიშვნელოვნად შეფერხდა. სამუშაოს უფრო ეფექტურად წარმართვისთვის და მეტი პროგრესის მისაღწევად საჭირო გახდა მნიშვნელოვანი კვალიფიკაციის მქონე პერსონალის თურქეთიდან  ჩამოყვანა. ქართულ და თურქულ მხარეებს შორის მიღწეული შეთანხმების შედეგად,  დამატებითი თანამშრომლები საქართველოში მოქმედი ყველა აუცილებელი წესის დაცვით ჩამოვიდნენ“.

ამ თემაზე:

ავტობანი – ახალი ხიდი და გზა ჭოროხიდან სარფამდე

 

მთავარი ფოტო: ბათუმის შემოვლითი გზის მშენებლობა / ფოტო: საავტომობილო გზების დეპარტამენტი

გადაბეჭდვის წესი


ასევე: