Batumelebi | სოფელ ყარაჯალარში კარანტინი გამოაცხადეს – კოვიდ 19 სოფელ ყარაჯალარში კარანტინი გამოაცხადეს – კოვიდ 19 – Batumelebi
RU | GE  

სოფელ ყარაჯალარში კარანტინი გამოაცხადეს – კოვიდ 19

უწყებათაშორისი საკოორდინაციო საბჭოს მიერ მიღებული გადაწყვეტილების საფუძველზე, მაღალი ეპიდემიოლოგიური რისკის გამო, გარდაბნის მუნიციპალიტეტის სოფელ ყარაჯალარში საკარანტინო შეზღუდვები ამოქმედდა.

„სოფელ ყარაჯალარის შესასვლელსა და გასასვლელში საკონტროლო გამშვები პუნქტები მოეწყო, სადაც შინაგან საქმეთა სამინისტროს თანამშრომლები საკარანტინო შეზღუდვებს 24 საათის განმავლობაში გააკონტროლებენ.

სამართალდამცველები აკონტროლებენ სოფელთან მისასვლელ მეორეხარისხოვან გზებსაც, რომელთაც მუდმივად ამონიტორინგებენ მობილური ჯგუფები“, – აცხადებს შსს.

ამავე წყაროს ცნობით, გარდა ცოცხალი ძალისა, საკარანტინო პერიმეტრის მუდმივი მონიტორინგის პროცესში პოლიციის შესაბამისი დანაყოფები იყენებენ საგანგებო სიტუაციების მართვის სამსახურის დრონებს.

„სამართალდამცველები ადგილობრივ მოსახლეობას საკარანტინო შეზღუდვების შესახებ ინფორმაციას აწვდიან და საჭიროების შემთხვევაში მათ მაქსიმალურად დაეხმარებიან.

საქართველოს ტერიტორიაზე მყოფი ყველა პირი ვალდებულია დაემორჩილოს საზოგადოებრივი ჯანმრთელობის სფეროში მოქმედ საქართველოს კანონმდებლობის მოთხოვნებს“, – აცხადებენ შს სამონს-ში.

ბოლო მონაცემებით, საქარველოში კორონავირუსის 1104 შემთხვევაა მთლიანობაში გამოვლენილი. დღეს, 24 ივლისს, კორონავირისის 19 ახალი შემთხვევა დაფიქსირდა ქვეყანაში.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com