Batumelebi | რამდენი ადამიანი შემოვიდა თურქეთიდან პანდემიის დროს – ოფიციალური სტატისტიკა რამდენი ადამიანი შემოვიდა თურქეთიდან პანდემიის დროს – ოფიციალური სტატისტიკა – Batumelebi
RU | GE  

რამდენი ადამიანი შემოვიდა თურქეთიდან პანდემიის დროს – ოფიციალური სტატისტიკა

პანდემიის პერიოდში ანუ მარტიდან ივნისის ჩათვლით თურქეთიდან საქართველოში სულ 157 630 პირი შემოვიდა, აქედან უშუალოდ თურქეთის მოქალაქეა – 87 362. თურქეთთან საქართველოს სამი საზღვარი აქვს – სარფი, ვალე და კარწახი.

საქართველომ თურქეთთან საზღვარი, პანდემიის გამო, 15 მარტს ჩაკეტა. ჯანდაცვის მსოფლიო ორგანიზაციამ ახალი კორონავირუსის გავრცელება პანდემიად 11 მარტს გამოაცხადა.

შინაგან საქმეთა სამინისტროს მიერ მომზადებული სტატისტიკური მონაცემების მიხედვით,  თურქეთთან საქართველოს საზღვრებიდან შემოვიდა

  • მარტში სულ 109 951 ადამიანი
  • აპრილში – 13 694
  • მაისში- 14 887
  • ივნისში – 19 098

ეს მონაცემები ასახავს ნებისმიერი მიზნით საქართველო-თურქეთის საზღვრის კვეთას, მათ შორის, სატვირთო ავტომანქანების მძღოლებს, ორმაგი მოქალაქეობის მქონე პირებს, საქართველოს მოქალაქეებს, რომლებიც პანდემიის დროს დაბრუნდნენ სამშობლოში, დიპლომატიური მისიის წარმომადგენლებს და კანონით განსაზღვრულ სხვა პირებს.

შინაგან საქმეთა სამინისტრო ცალკე ითვლის იმ ადამიანების რაოდენობას, რომლებიც თურქეთთან არსებული საზღვრებიდან შემოვიდნენ და თურქეთის მოქალაქეები არიან.

  • მარტში საქართველოში 41 133 თურქეთის მოქალაქე შემოვიდა
  • აპრილში – 13 451
  • მაისში – 16 106
  • ივნისში – 16 672

ივნისში თურქეთის მოქალაქეების შემოსვლა საქართველოში გასული წლის ანალოგიურ პერიოდთან შედარებით 89 პროცენტითაა შემცირებული.

ამ თემაზე:

რუსეთიდან 43 278 მოქალაქე შემოვიდა პანდემიის დროს – სტატისტიკა

 

ნეტგაზეთის მასალების სხვა გამოცემებში გადაბეჭდვის წესი
ავტორი