22 ივლისის მონაცემებით, საქართველოში ბოლო 24 საათში კორონავირუსის 24 ახალი შემთხვევა გამოვლინდა, გამოჯანმრთელდა კიდევ 4 პაციენტი.
თბილისის ინფექციური საავადმყოფოს კლინიკური ხელმძღვანელის, მარინა ეზუგბაიას თქმით, კორონავირუსის 24 ახალი შემთხვევიდან 10 გარდაბნის რაიონს უკავშირდება.
დღეის მდგომარეობით საქართველოში კორონავირუსის 1079 შემთხვევაა დადასტურებული, რომელთაგან გამოჯანმრთელდა 907, გარდაიცვალა 16 პაციენტი.
ბოლო რამდენიმე დღეა, საქართველოში კორონავირუსის ახალი შემთხვევების მატებაა, ძირითადად, გარდაბნის რაიონში.
გუშინ, 21 ივლისს, NCDC-ის დირექტორმა, ამირან გამყრელიძემ თქვა, რომ ბოლო კვირის განმავლობაში გამოვლენილი 63 ახალი შემთხვევიდან 24 გარდაბნის მუნიციპალიტეტის სოფლებში დაფიქსირდა.
_______________
ფოტოზე: პაატა იმნაძე. წყარო: nplg.gov.ge
