Batumelebi | საგნობრივ გამოცდას მასწავლებლობის 12 ათასამდე მსურველი აბარებს საგნობრივ გამოცდას მასწავლებლობის 12 ათასამდე მსურველი აბარებს – Batumelebi

საგნობრივ გამოცდას მასწავლებლობის 12 ათასამდე მსურველი აბარებს

დღეს, 22 ივლისს, მასწავლებლობის მსურველთა გამოცდები დაიწყო. საგნობრივ გამოცდას 12 ათასამდე პირი აბარებს. გამოცდები ტარდება როგორც ქართულ ენასა და ლიტერატურაში, ასევე მათემატიკასა და საბუნებისმეტყველო საგნებში.

გამოცდების ეროვნული ცენტრის ინფორმაციით, 22 ივლისის სესიებზე დარეგისტრირებული აპლიკანტებიდან საგამოცდო ცენტრებში 89%-ზე მეტი მასწავლებლობის მსურველი გამოცხადდა. გამოცდაზე მხოლოდ სამმა აპლიკანტმა დააგვიანა, შესაბამისად, ისინი გამოცდების ჩაბარებას ვეღარ შეძლებენ.

ცენტრის ინფორმაციით, დღეს ტესტირებას ის პირები გაივლიან, ვინც დაწყებითი საფეხურის მასწავლებლის გამოცდაზე დარეგისტრირდა, ტესტირებისთვის 5 საათია გამოყოფილი.

რაც შეეხება უსაფრთხოებას, როგორც ცენტრში აცხადებენ, გათვალისწინებულია ყველა რეკომენდაცია, რომელიც დადგენილია ჯანდაცვის უწყებების მიერ. აბიტურიენტების მსგავსად, მასწავლებლობის მსურველებს შესაძლებლობა აქვთ ტესტირების დროს პირბადე მოიხსნან, თუმცა მაგიდასთან მისვლამდე პირბადის ტარება სავალდებულოა.

ზაფხულის გამოცდაზე დარეგისტრირებული არ არიან პრაქტიკოსი პედაგოგები, მათ საგნობრივი კომპეტენციის დადასტურება მხოლოდ შემოდგომაზე შეუძლიათ. ახალი რეგულაციის მიხედვით, შემოდგომის გამოცდა ბოლო შესაძლებლობა იქნება პრაქტიკოსი პედაგოგებისთვის სტატუსის  ასამაღლებლად, წინააღმდეგ შემთხვევაში, მათ სკოლის დატოვება მოუწევთ.

მასწავლებლობის მსურველთათვის საგამოცდო პროცესი 30 ივლისის ჩათვლით გაგრძელდება.

ამავე თემაზე:

დასასჯელად არავინ მოგსდევთ, დამშვიდდით და ჩაატარეთ კარგი გაკვეთილი – შუკაკიძე ახალ სქემაზე

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com