Batumelebi | კონკურსი საჯარო და კერძო სკოლებისთვის – „ყველაზე მედიაწიგნიერი სკოლა“ კონკურსი საჯარო და კერძო სკოლებისთვის – „ყველაზე მედიაწიგნიერი სკოლა“ – Batumelebi

კონკურსი საჯარო და კერძო სკოლებისთვის – „ყველაზე მედიაწიგნიერი სკოლა“

მედიის განვითარების ფონდი ნიდერლანდების საელჩოს მხარდაჭერით და ილიას უნივერსიტეტთან და PHI საქართველოსთან პარტნიორობით, აცხადებს კონკურსს სკოლებისთვის – „ყველაზე მედიაწიგნიერი სკოლა“.

კონკურსში მონაწილეობისთვის საჭიროა სკოლამ შექმნას 5-წევრიანი გუნდი, რომელიც უნდა აერთიანებდეს პედაგოგებსა და X-XII კლასის მოსწავლეებს. გუნდი უნდა დარეგისტრირდეს ბმულზე და შეავსოს აპლიკაცია.

აპლიკაციაში გუნდმა უნდა ატვირთოს მედიაწიგნიერებაზე საპროექტო განაცხადი, რომელიც შეეხება ქვემოთ ჩამოთვლილთაგან ერთ-ერთ თემას:

  • ყალბი ინფორმაციის იდენტიფიცირება
  • ყალბი ვიზუალის (ფოტო/ვიდეო) იდენტიფიცირება
  • ყალბი ფეისბუქპროფილის იდენტიფიცირება
  • მედიაშინაარსის კრიტიკული ანალიზი
  • ჟურნალისტური ეთიკა და პროფესიული სტანდარტები
  • მედიის ფინანსური და მფლობელების გამჭვირვალობა
  • კიბერუსაფრთხოება
  • სიძულვილის ენა
  • მედიაწიგნიერების ინტერაქციული სწავლება
  • ნებისმიერი თემა, რომელიც მედია და ინფორმაციული წიგნიერების კომპეტენციებს ავითარებს

კონკურსის ორგანიზატორთა ინფორმაციით, მედია და ინფორმაციული წიგნიერების პროექტი შესაძლოა იყოს შემდეგი სახის (თუმცა ეს სია შეზღუდული არ არის):

  • ონლაინთამაშის იდეა
  • ოფლაინთამაშის იდეა (ბანქო, პაზლი და სხვა)
  • ქვიზი
  • კრეატიული გაკვეთილი მედია და ინფორმაციული წიგნიერების თემაზე
  • ცნობიერების ამაღლების კამპანია მედია და ინფორმაციულ წიგნიერებაზე (ვიდეო რგოლის სცენარი, სლოგანები, პოსტერები)
  • როლური თამაშები

და სხვა.

კონკურსში მონაწილეობა შეუძლიათ საჯარო და კერძო სკოლების გუნდებს.

სააპლიკაციო განაცხადებს განიხილავს ჟიური, რომელიც პირველ ეტაპზე გამარჯვებულ პროექტებს გამოავლენს. მეორე ეტაპზე გადასული გუნდები ჟიურის წინაშე თავიანთი პროექტების პრეზენტაციას ონლაინ გამართავენ.

ყველაზე მედიაწიგნიერ სკოლას შესაბამისი პრიზი და კომპიუტერი გადაეცემა, მე-2 და მე-3 ადგილზე გასული სკოლები კი სერტიფიკატებით და სპეციალური საჩუქრებით დაჯილდოვდებიან.

საკონკურსო განაცხადების შევსების ბოლო ვადაა 20 აგვისტო.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com