საქართველოს ჯანდაცვის სამინისტრო ჯამში 200 ათას ცალ ანტიგენის სწრაფ ტესტს (Antigen (Ag) RDT) და ანტისხეულების სწრაფ ტესტს (IgM/IgG) შეისყიდის. სამინისტრო შესყიდვაზე ტენდერს გამოაცხადებს, მანამდე კი ფასების დასადგენად ბაზარს იკვლევს. ტესტების შესყიდვა, მსოფლიო ბანაკის დაფინანსებით, ამავე ბანკის COVID19-ის წინააღმდეგ სწრაფი რეაგირების პროექტის ფარგლებში იგეგმება.
ჯანდაცვის სამინისტროს დაინტერესებულმა პირებმა თავიანთი ფასები 23 ივლისამდე უნდა წარუდგინონ.
სამინისტროს ინფორმაციით, სატენდერო პროცედურების გამოცხადებისას პრეტენდენტის მიმართ განსაზღვრული იქნება შემდეგი მინიმალური მოთხოვნები:
- მონაწილე ორგანიზაციას უნდა გააჩნდეს მინიმუმ სამი წლის გამოცდილება სამედიცინო დანიშნულების პროდუქციის მიწოდების;
- მსგავსი სამედიცინო დანიშნულების პროდუქციის მიწოდების თაობაზე შესრულებული წარმატებული ხელშეკრულებები;
- მომწოდებელმა უნდა წარმოადგინოს მწარმოებელი ქვეყნის სერტიფიკატი.
—–
2020 წლის 21 ივლისის მონაცემებით, საქართველოში, ბოლო 24 საათში კორონავირუსის 10 ახალი შემთხვევა გამოვლინდა, განიკურნა 3 პაციენტი.
აჭარის ჯანდაცვის სამინისტროს მონაცემებით, ბათუმში კორონავირუსი დაუდასტურდა ერთ პირს, შემთხვევა იმპორტირებულია, ინფიცირებულია სატვირთო ავტომანქანის მძღოლი.
ამჟამად ბათუმის რესპუბლიკური საავადმყოფოს კოვიდცენტრში მკურნალობის კურსს გადის 9 პაციენტი.
ამ თემაზე:
მეზღვაურები კარანტინს დატოვებენ, თუ ყოველ 60 საათში გაივლიან PCR ტესტს საკუთარი ხარჯით