Batumelebi | 7 დასახელების რძის პროდუქტში მცენარეული ცხიმი აღმოჩნდა – სურსათის სააგენტო 7 დასახელების რძის პროდუქტში მცენარეული ცხიმი აღმოჩნდა – სურსათის სააგენტო – Batumelebi
RU | GE  

7 დასახელების რძის პროდუქტში მცენარეული ცხიმი აღმოჩნდა – სურსათის სააგენტო

რძესა და რძის ნაწარმში ცხიმის შემცველობის დადგენის მიზნით, სურსათის ეროვნულმა სააგენტომ სხვადასხვა სავაჭრო ობიექტიდან 35 ნიმუში აიღო და აკრედიტებულ ლაბორატორიაში გამოიკვლია. სააგენტოს ინფორმაციით, ლაბორატორიული კვლევის შედეგად 7 შემთხვევაში გამოვლინდა დარღვევა – პროდუქტები რძის ცხიმის გარდა შეიცავდა სხვა, მათ შორის, მცენარეულ ცხიმებს.

დარღვევა გამოვლინდა შემდეგ პროდუქტებში:

  •  მაწონი „რანინა“ – დამზ. თარიღი 15.06.20; ვარგ. ვადა 03.07.20 (მწარმოებელი შპს „რესპუბლიკა“);
  •  არაჟანი „რანინა“ – დამზ.თარიღი 15.06.20; ვარგ. ვადა 05.07.20 (მწარმოებელი შპს „რესპუბლიკა“)
  •  არაჟანი „მილკო“ – დამზ.თარიღი 18.06.20; ვარგ ვადა 04.07.20 (მწარმოებელი შპს „რესპუბლიკა“);
  •  რძე „მალკო 2.5% – დამზ.თარიღი 27.06.20; ვარგ. ვადა 03.07.20 (მწარმოებელი შპს „რესპუბლიკა“)
  •  კარაქი ნაღების 82.5% „რანინა“ – დამზ. თარიღი 06.05.20; ვარგ. ვადა 06.08.2020 (მწარმოებელი შპს „რესპუბლიკა“);
  •  არაჟანი „ქობულეთური 25%“ – დამზ. თარიღი 24.06.2020; ვარგ. ვადა 07.07.20 (მწარმ. შპს ,,მემა კომპანი“)
  • „ყველი ქართული“ – დამზ. თარიღი 10.06.2020; ვარგ. ვადა – 10.08.20 (მწარმოებელი ი/მ „სურენ კირაკოსიანი“).

გამოვლენილ დარღვევებთან დაკავშირებით, სურსათის ეროვნულმა სააგენტომ ბიზნესოპერატორები დააჯარიმა და ბაზრიდან  სურსათის კონკრეტული პარტიების  გამოთხოვა დაავალა. საწარმოებში კი განხორციელდა არაგეგმური ინსპექტირება.

რძის ტექნიკური რეგლამენტი ძალაში 2015 წლის აგვისტოდან შევიდა. რეგულაცია ადგენს მოთხოვნებს რძის, რძის ნაწარმის და რძის შემცველი პროდუქტის მიმართ, აწესრიგებს ბიზნესოპერატორის მიერ რძის, რძის ნაწარმისა და რძის შემცველი პროდუქტის წარმოებისა და ბაზარზე განთავსების პირობებს. აღნიშნული რეგლამენტით, დაუშვებელია, მცენარეულ ცხიმს ან სხვა ნარევ ცხიმებს შეიცავდეს.

ამ თემაზე:

რომელ ნაწარმზე იკრძალება დასახელება „ყველის“ გამოყენება

 

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან