Batumelebi | ბათუმში კოვიდ-19-სგან 1 პაციენტი განიკურნა ბათუმში კოვიდ-19-სგან 1 პაციენტი განიკურნა – Batumelebi
RU | GE  

ბათუმში კოვიდ-19-სგან 1 პაციენტი განიკურნა

ბათუმის რესპუბლიკური საავადმყოფოდან ერთი პაციენტი გაწერეს, მისი ბოლო ტესტი კოვიდ-19-ზე უარყოფითია, თუმცა რეკომენდაციის მიხედვით, ის მაინც საკარანტინო სივრცეში გადავა. კლინიკაში, დღეს 18 ივლისს ელოდებიან კიდევ ერთი პაციენტის ანალიზის პასუხს.

როგორც საავადმყოფოს კლინიკური დირექტორი გია კიკაბიძე „ბათუმელემთან“ საუბარში ამბობს, დღეს შესაძლოა კიდევ ერთი პაციენტი გაწერონ. „გუშინ ჩატარებული ტესტის პასუხი უარყოფითი იყო, თუ დღესაც უარყოფითი აღმოჩნდება პასუხი, პაციენტი კლინიკას დატოვებს“-ამბობს კიკაბიძე.

ამ დროისთვის ბათუმის რესპუბლიკურ საავადმყოფოში 7 პაციენტი მკურნალობს კორონავირუსზე, ერთი პაციენტი დღეს გადაიყვანეს საკარანტინო სივრციდან. აღნიშნილი პირი თურქეთიდან იყო შემოსული და კარანტინში იმყოფებოდა.

აჭარის ჯანდაცვის სამინისტროს მონაცემებით, ლაბორატორიებში ჩატარებული 902 ლაბორატორიული კვლევის შედეგი უარყოფითია.

ცხელების კლინიკაში ერთი ადამიანია მოთავსებული და მისი კვლევის პასუხები ხვალ იქნება ცნობილი.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com