Batumelebi | მეწყერი თურქეთში – დაიღუპა 1 და დაკარგულია 3 ადამიანი მეწყერი თურქეთში – დაიღუპა 1 და დაკარგულია 3 ადამიანი – Batumelebi
RU | GE  

მეწყერი თურქეთში – დაიღუპა 1 და დაკარგულია 3 ადამიანი

თურქული მედიის ცნობით, რომელიც ართვინის გუბერნატორს ილმაზ დოროუკს ეყრდნობა, სოფელ იუსუფელში მოვარდნილი მეწყრის შედეგად დაიღუპა ერთი ადამიანი, 3 დაკარგულს კი ეძებენ.

თურქულ მედიასა თუ სოციალურ ქსელებში გავრცელებული ფოტო/ვიდეომასალის მიხედვით, საკმაოდ მასშტაბურმა მეწყერმა არაერთი ავტომანქანა მოიყოლა.

ჰაბერ თურქის ცნობით, კაშხლის სამშენებლო მოედანზე გაჩერებული ავტომანქანები ტალახით გაივსო, ბევრი მათგანი კი ისე დაზიანდა, რომ გამოუსადეგარი გახდა. ეკოლოგიური კატასტროფის ადგილას ამ დროისთვის  სამაშველო ჯგუფები მუშაობენ და დაკარგულებს ძაღლების დახმარებით ეძებენ.

ფეისბუქში ზოგიერთი ადამიანი წერს, რომ ბუნებაში უხეში ჩარევა იწვევს მსგავს ეკოლოგიურ კატასტროფებს. ფოტომასალების მიხედვით, დამეწყრილ ტერიტორიაზე მუშაობს მძიმე ტექნიკა. ამ ზონაში თურქეთის სახელმწიფო დერინერის კაშხლებს აშენებს.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.