საქართველოს პენიტენციური სამსახურის ინფორმაციით, ეროვნულ გამოცდებს საპატიმრო დაწესებულებებში მყოფი 24 პირი აბარებს.
„პენიტენციური დაწესებულებებიდან ერთიანი ეროვნული გამოცდების საგამოცდო ცენტრებში ბრალდებულებისა და მსჯავრდებულების გაყვანის პროცესი დაიწყო.
პენიტენციური დაწესებულებებიდან ერთიან ეროვნულ და საერთო სამაგისტრო გამოცდაზე წელს 24 ბრალდებული/მსჯავრდებული იღებს მონაწილეობას, რომელთაგან 6 არასრულწლოვანია,“ – ინფორმაციას საქართველოს პენიტენციური სამსახური ავრცელებს.
ერთიანი ეროვნული გამოცდები 6 ივლისს დაიწყო. 2020 წლის ეროვნულ გამოცდებზე 39 300-ზე მეტი აბიტურიენტია დარეგისტრირებული.