Batumelebi | უცხოეთში თვითდასაქმებულები კომპენსაციას მიიღებენ – რეგისტრაციის ბოლო ვადა 15 ივლისია უცხოეთში თვითდასაქმებულები კომპენსაციას მიიღებენ – რეგისტრაციის ბოლო ვადა 15 ივლისია – Batumelebi
RU | GE  

უცხოეთში თვითდასაქმებულები კომპენსაციას მიიღებენ – რეგისტრაციის ბოლო ვადა 15 ივლისია

უცხოეთში თვითდასაქმებული საქართველოს მოქალაქეები სახელმწიფოსგან 300 ლარს, ერთჯერად კომპენსაციას მიიღებენ.

საქართველოს მთავრობის ახალი დადგენილებით, კომპენსაციის მიღების უფლება აქვთ:

  • საქართველოს იმ მოქალაქეებს, რომლებიც თვითდასაქმებულები იყვნენ საქართველოს საზღვრებს გარეთ, რის გამოც 2019 წელს უფიქსირდებათ საზღვრის კვეთა არანაკლებ 60-ჯერ, ან/და
  • 2019 წლის მარტის თვიდან ოქტომბრის თვის ჩათვლით პერიოდში უფიქსირდებათ საქართველოს ფარგლებს გარეთ ყოფნა 30-იდან 120  კალენდარული დღის ჩათვლით.

ასეთ მოქალაქეებს, საქართველოს შინაგან საქმეთა სამინისტროს ინფორმაციის (საზღვრის კვეთა) საფუძველზე, ეძლევათ შესაძლებლობა, სარეგისტრაციო პორტალზე დარეგისტრირდნენ კომპენსაციის მიმღებ პირებად.

მთავრობის დადგენილებით, სარეგისტრაციო პორტალზე დარეგისტრირების ბოლო ვადა 2020 წლის 15 ივლისია.

რეგისტრაციისთვის გადადით ამ ბმულზე

[შენიშვნა:  მოქალაქეები კომპენსაციის მისაღებად რეგისტრაციას ვერ ახერხებენ, როგორც „ბათუმელებმა“ გაარკვია, მიზეზი სარეგისტრაციო პორტალზე არსებული ხარვეზებია. დეტალების გასაგებად გადადით ამ ბმულზე: როგორ დავრეგისტრირდეთ 300-ლარიანი კომპენსაციის მისაღებად – ინსტრუქცია]

საქართველოში თვითდასაქმებულებს კი, განაცხადის წარდგენის, ანუ რეგისტრაციის გავლის ვადა 2020 წლის 1-ელ ივლისამდე აქვთ.

ამასთან, მთავრობის ახალი დადგენილებით, დასაქმების სააგენტოს მიერ შეტყობინების საფუძველზე 2020 წლის 1-ელ ივლისამდე სარეგისტრაციო პორტალზე დარეგისტრირებულ პირებს ეძლევათ შესაძლებლობა არასრული/დაუზუსტებელი მიმაგრებული დოკუმენტაცია განაახლონ არა უგვიანეს 2020 წლის 15 ივლისისა.

შესაბამისი ცვლილებები „ახალი კორონავირუსით (SARS-COV-2) გამოწვეული ინფექციის (COVID-19) შედეგად მიყენებული ზიანის შემსუბუქების მიზნობრივი სახელმწიფო პროგრამის დამტკიცების შესახებ“ საქართველოს მთავრობის 2020 წლის 4 მაისის დადგენილებაში შევიდა.

ამავე თემაზე:

თურქეთში დასაქმებულები 300-ლარიან კომპენსაციას მიიღებენ

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com