თურქეთში ორი დღით, გარკვეულ საათებში, სახლიდან გასვლა იკრძალება

საქართველოს საელჩო თურქეთში მყოფ საქართველოს მოქალაქეებს შეზღუდვის შესახებ აფრთხილებს.

„თურქული მხარის გადაწყვეტილებით, ქვეყნის მასშტაბით, მოქალაქეებს ქუჩაში გასვლა ეკრძალებათ 27 ივნისს 09:30 საათიდან 15:00 საათამდე, ხოლო 28 ივნისს –  09:30 საათიდან 18:30 საათამდე.  ზემოაღნიშნული წესის დამრღვევი პირი დაჯარიმდება,“ – აღნიშნულია საელჩოს ფეისბუქგვერდზე გავრცელებულ განცხადებაში.

მუშაობას გააგრძელებენ სასიცოცხლოდ მნიშვნელოვანი ობიექტები: სურსათის მაღაზიები, აფთიაქები, საავადმყოფოები, ზოომაღაზიები, საცხობები და ა.შ.

შეზღუდვა კორონავირუსის პანდემიის პრევენციითაა გამოწვეული.

_________________

ფოტო: ევროპის პრესსაგენტო. EPA/ERDEM SAHIN