Batumelebi | 10 წელი პატიმრობა არასრულწლოვნის გაუპატიურების გამო 10 წელი პატიმრობა არასრულწლოვნის გაუპატიურების გამო – Batumelebi
RU | GE  

10 წელი პატიმრობა არასრულწლოვნის გაუპატიურების გამო

სენაკის რაიონულმა სასამართლომ 10 წლით თავისუფლების აღკვეთა მიუსაჯა გ.გ.-ს, რომელსაც პროკურატურა არასრულწლოვნის გაუპატიურებას ედავებოდა.

პროკურატურის ინფორმაციით, შემთხვევა გასული წლის ნოემბერში მოხდა.

„ერთ-ერთ საცხოვრებელ სახლში, გ.გ.-მ მოსთხოვა არასრულწლოვან ს.გ.-ს დაემყარებინა მასთან სქესობრივი კავშირი. უარის მიღების შემდეგ გ.გ.-მ არასრულწლოვნის ნების საწინააღმდეგოდ, ძალის გამოყენებით, დაამყარა მასთან სექსუალური კავშირი,“ – აღნიშნულია პროკურატურის მიერ გავრცელებულ ინფორმაციაში.

ბრალდებული დანაშაულის ჩადენის მეორე დღეს დააკავეს. იგი ამ დრომდე წინასწარ პატიმრობაში იმყოფებოდა.

ნეტგაზეთის მასალების სხვა გამოცემებში გადაბეჭდვის წესი
ავტორი