Batumelebi | თურქეთში მიწისძვრა განმეორდა, ბიძგები ბათუმშიც იგრძნობოდა თურქეთში მიწისძვრა განმეორდა, ბიძგები ბათუმშიც იგრძნობოდა – Batumelebi
RU | GE  

თურქეთში მიწისძვრა განმეორდა, ბიძგები ბათუმშიც იგრძნობოდა

თურქეთში, ბინგოლის პროვინციაში მიწისძვრა განმეორდა, რაც განსაკუთრებით საგრძნობი ბათუმში, მაღლივ კორპუსებში იყო. ბინგოლის პროვინციაში, გუშინ, 14 ივნისს 5,9 მანგნიტუდის მიწისძვრა დაფიქსირდა. სეისმოლოგების თქმით, მიწისძვრის ეპიცენტრი ამჯერად არ შეცვლილა.

დედამიწის შემსწავლელ მეცნიერებათა ინსტიტუტის და სეისმური მონიტორინგის ეროვნული ცენტრის მონაცემებით, დღეს მიწისძვრის სიმძლავრე 5.4 იყო და თბილისის დროით 10 საათსა და 51 წუთზე დაიწყო. ცენტრში ასევე გვითხრეს, რომ მიწისძვრის მსუბუქი ტალღები გუშინაც დაფიქსირდა, მაგრამ იგი საგრძნობი არ იყო.

„ეს ძლიერ მიწისძვრებს ახასიათებთ, გუშინაც იყო, ახლა 5.4 დაფიქსირდა… ეს ბათუმიდან დაახლოებით 270 კილომეტრითაა დაშორებული, ჩვენ ზუსტი მონაცემები არ გვაქვს,“ – გვითხრეს სეისმურ ცენტრში.

მთავარი ფოტო: 14 ივნისის მიწისძვრის ეპიცენტრი თურქეთში

ნეტგაზეთის მასალების სხვა გამოცემებში გადაბეჭდვის წესი
ავტორი