Batumelebi | პირბადეები და ხელთათმანები – ახალი ნარჩენები ზღვებსა და ოკეანეებში პირბადეები და ხელთათმანები – ახალი ნარჩენები ზღვებსა და ოკეანეებში – Batumelebi

პირბადეები და ხელთათმანები – ახალი ნარჩენები ზღვებსა და ოკეანეებში

ერთჯერადი პირბადეები, რეზინის ხელთათმანები და სანიტაიზერის ბოთლები, რომლებიც COVID19- ის პრევენციისთვის გამოიყენება, საბოლოოდ ქუჩებში, ზღვებსა და ველურ ბუნებაში ხვდება. მსგავს ნარჩენებს ბათუმის ქუჩებშიც ყოველ ფეხის ნაბიჯზე შეხვდებით.

COVID19-ის პრევენციისთვის გამოყენებული და გადაყრილი პირბადეები თუ რეზინის ხელთათმანები უკვე საგრძნობლად აბინძურებენ გარემოს. მიუხედავად მკაცრი რეკომენდაციისა, რომ  ეს ინვენტარი გამოყენების შემდეგ თავდახურულ ურნაში მოათავსონ, მსოფლიოს ყველა ქვეყნის, მათ შორის, საქართველოს ქალაქებშიც ხშირად შეხვდებით ამ ნარჩენებს პირდაპირ ქუჩაში.

ამ ტიპის ნარჩენების მოხვედრა გარემოში ორმაგად საზიანოა როგორც ვირუსის გავრცელების, ისე გარემოს კიდევ უფრო დაბინძურების მხრივ, რადგან პანდემიის გამო ერთჯერად პირბადესა და ხელთათმანს მილიონობით ადამიანი დღეში რამდენჯერმე იცვლის, რის გამოც ამ ტიპის ნარჩენების მართვა ძალიან საყურადღებო ხდება.

ფრანგული არასამთავრობო ორგანიზაცია Opération Mer Propre [ოპერაცია სუფთა ზღვა] განგაშს აცხადებს პოლიეთილენის ნარჩენების მართვის მრავალწლიანი პრობლემის ფონზე ახალი სახის ნარჩენების ნაგავსაყრელების წარმოქმნაზე. „ეს მხოლოდ დასაწყისია” – ამბობს ჯგუფის ერთ-ერთი დამფუძნებელი ჯოფრი პელტიერი ევრონიუსთან საუბრისას.

საფრანგეთში, ანტიბის ერთ-ერთ კურორტთან ახლოს, ნარჩენების გასაწმენდად ყვინთვისას ორგანიზაციამ პირბადეები და რეზინის ხელთათმანები მოაგროვა, რომლებიც ხმელთაშუა ზღვის ფსკერზე, უკვე არსებულ ნარჩენებთან – პლასტმასის ჭიქებთან და ლუდის ცარიელ ქილებთან დაცურავდა.

Ça vous dit cet été de vous baigner avec le COVID 19…?Sachant que plus de 2 milliards de masques jetables ont été commandés,bientôt il risque d'y avoir plus de masques que de méduses dans les eaux de la Méditerranée…!Il en va de la responsabilité de chacun afin d'éviter cette nouvelle pollution mais aussi de nos élus,députés et pouvoirs publics. En effet depuis plusieurs années certaines communes essaient de lutter contre toutes ces incivilités qui détruisent nôtre environnement et nôtre santé à long terme,il serait donc peut être temps d'unir toutes les bonnes initiatives afin résoudre le plus rapidement et le plus fermement cette nouvelle pollution.La crise sanitaire nous a permis de voir le meilleur et le pire en nous,si nous ne faisons rien c'est le pire qui va arriver alors que c'est simplement une question de bon sens pour éviter tout celà.Je dirais simplement pour finir qu'un masque jetable ça se jette à la poubelle comme tout les autres déchets d'ailleurs.

Posted by Laurent Lombard on შაბათი, 23 მაისი, 2020

გერმანული გამოცემა დოიჩე ველე საბერძნეთის ზღვისპირა ქალაქის, კალამატას მაგალითზე წერს, რომ კალამატაში, ისევე როგორც საბერძნეთის სხვა ზღვისპირა ქალაქებში, გამოყენებული ხელთათმანები, ხელსახოცები და სანიტაიზერის პლასტმასის ბოთლები ყრია ყველგან პარკებში, ტროტუარებზე, გზებზე… თუმცა მსგავსი ნარჩენები პრობლემებს ქმნის ისეთ მეტროპოლისებშიც, როგორებიცაა ნიუ იორკი და ლონდონი.

პრობლემა დაუსახლებელ კუნძულებსაც შეეხო. ჰონგ კონგიდან რამდენიმე საზღვაო მილის დაშორებით, გარი სტოკსმა, გარემოსდამცველთა ჯგუფ OceansAsia– მ, სანაპიროზე გამორიყული 100-მდე ერთჯერადი პირბადე იპოვა.

„ჩვენ არასოდეს გვიპოვია ამდენი პირბადე ასეთ მოშორებულ ადგილზე” – თქვა სტოუკმა, რომელიც ეჭვობს, რომ პირბადეები ჰონგკონგიდან აღმოჩნდა იქ. „როცა ჩვენ ვიპოვეთ ისინი, მხოლოდ 6 კვირა იყო გასული, რაც პირბადეების მასიური გამოყენება დაიწყო,” – ამბობს ის „დოიჩე ველესთან“ საუბრისას.

ჯანმოს რეკომენდაციის მიხედვით, ხელების რეგულარული დაბანა COVID19-ის პრევენციისთვის უფრო ეფექტურია, ვიდრე რეზინის ხელთათმანების ტარება საჯარო სივრცეებში – წერს „დოიჩე ველე“.

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან