Batumelebi | ბათუმში საზოგადოებრივმა ტრანსპორტმა მუშაობა განაახლა ბათუმში საზოგადოებრივმა ტრანსპორტმა მუშაობა განაახლა – Batumelebi

ბათუმში საზოგადოებრივმა ტრანსპორტმა მუშაობა განაახლა

დღეს, 29 მაისს, საზოგადოებრივმა ტრანსპორტმა – მუნიციპალურმა ავტობუსებმა და მიკროავტობუსებმა მუშაობა განაახლეს. ბათუმის მერიის ინფორმაციით, მუნიციპალურ ტრანსპორტში სამედიცინო პირბადის ტარება სავალდებულოა. აკრძალულია კონდიციონერების გამოყენება. ავტობუსებისა და მიკროავტობუსების ფანჯრები ღია უნდა უნდა იყოს მოძრაობისას, რათა მოხდეს ვენტილაცია და განიავება.

  • მიკროავტობუსებში აკრძალულია მძღოლის გვერდით მგზავრის განთავსება და ფეხზე მდგომი მგზავრის გადაყვანა.
  • მძღოლი უზრუნველყოფილი უნდა იყოს სადეზინფექციო ხსნარით.
  • დღის განმავლობაში რამდენჯერმე უნდა შეივსოს მუნიციპალური ავტობუსების სალონებში არსებული ხელის სადეზინფექციო დისპენსერები.
  • მძღოლის კაბინა შემოსაზღვრული უნდა იყოს შესაბამისი ლენტით.
  • ის ლოკაცია, სადაც მძღოლებს უწევთ სამსახურში გასვლის წინ შესაბამისი აღრიცხვის გავლა, ყოველდღიურად უნდა დამუშავდეს სადეზინფექციო ხსნარებით, ხოლო მძღოლებს სამსახურში გასვლამდე ჩაუტარდეთ თერმოსკრინინგი და დაურიგდეთ პირბადეები.
  • ჯიპიეს სისტემის მეშვეობით მოხდება ავტობუსებში მგზავრთა ნაკადის შესახებ ინფორმაციის მიღება.
  • ავტობუსების მუშაობის პროცესში პერიოდულად გაჟღერდება მოწოდება სოციალურ დისტანცირებასთან დაკავშირებით.
  • როგორც მუნიციპალურ ავტობუსებს, ასევე, მიკროავტობუსებს, ყოველდღიურად ჩაუტარდება შესაბამისი დეზინფექცია. საზოგადოებრივ ტრანსპორტში მგზავრთა ნაკადის კონტროლს მუნიციპალური ინსპექცია განახორციელებს.

პირბადის გარეშე ტრანსპორტში ვერ ახვალთ – მგზავრობის წესები ბათუმში

ნეტგაზეთის მასალების სხვა გამოცემებში გადაბეჭდვის წესი
ავტორი